Shamshabad airport : సెండాఫ్ ఇచ్చేందుకు భారీగా ఎయిర్ పోర్టుకు పోటెత్తిన పేరెంట్స్.. భారీగా ట్రాఫిక్ జామ్

దిశ, డైనమిక్ బ్యూరో : శంషాబాద్ ఎయిర్‌పోర్టులో రద్దీ భారీగా పెరిగింది.. విదేశాల్లో అకడమిక్ ఇయర్ ఈ నెలలోనే ప్రారంభం కావడంతో చదువుల నిమిత్తం వెళ్తున్న విద్యార్థులు విమానాశ్రయానికి చేరుకుంటున్నారు. ఈ క్రమంలో విద్యార్థులకు సెండాఫ్ చెప్పేందుకు కుటుంబ సభ్యులు, స్నేహితులు భారీగా తరలివస్తున్నారు. దీంతో సాధారణ రోజుల్లోనే రష్‌గా ఉండే శంషాబాద్ విమానాశ్రయం మరింత రద్దీగా మారింది. విమానాశ్రయానికి వెళ్లే మార్గాల్లోనూ భారీగా ట్రాఫిక్ జామ్ కావడంతో వాహనదారులు ఇబ్బందులు పడుతున్నారు.