విజృంభిస్తున్న కరోనా.. శంషాబాద్ ఎయిర్ పోర్టులో మొదలైన కరోనా పరీక్షలు

దిశ, వెబ్‌‌డెస్క్ : ప్రపంచ దేశాలనే గజగజలాడించిన కరోనా విజృంభణ మళ్లీ మొదలవుతుంది.తగ్గిపోయింది అని సంతోషంగా ఉండేలోపు మళ్లీ కేసులు పెరగడం కాస్త ఆందోళనకు గురి చేస్తుంది. వరుసగా రెండో రోజు కేసులు 3 వేల మార్కును దాటింది. ఒక్క మహారాష్ట్రలోనే దాదాపు 700 కేసులు నమోదయ్యాయి.

దీంతో కేంద్ర వైద్యఆరోగ్యశాఖ అప్రమత్తమైంది.కరోనా వ్యాప్తి చెందకుండా ముందస్తు చర్యలు చేపట్టాలని రాష్ట్రాలకు ఆదేశాలు జారీ చేసింది. కొవిడ్ నిబంధనలు పాటించాలని సూచించింది. ఈ నేపథ్యంలో శంషాబాద్ విమానాశ్రయ అధికారులు అప్రమత్తమయ్యారు. విమానాశ్రయంలో మళ్లీ కరోనా పరీక్షలు నిర్వహించాలని నిర్ణయించారు. అంతర్జాతీయ ప్రయాణకులను పరీక్షించేందుకు థర్మల్ స్క్రీనింగ్ కేంద్రాన్ని ఏర్పాటు చేశారు. ప్రతి వందమంది అంతర్జాతీయ ప్రయాణికుల్లో ఇద్దరికి కరోనా పరీక్షలు నిర్వహిస్తున్నట్టు వైద్యాధికారులు తెలిపారు