సర్వే భయంతోనే కామారెడ్డికి.. సీఎం కేసీఆర్‌పై భట్టి సెటైర్లు
దిశ , తెలంగాణ బ్యూరో: బిఅరెస్ అభ్యర్థుల ప్రకటన ..... సీజన్ రాకముందే కోయిల కూసింది అన్నట్లుగా వ్యవహరించారని సీఎల్పీ నేత బట్టి విక్రమార్క చమత్కరించారు. సోమవారం బిఆర్ఎస్ పార్టీ అభ్యర్థుల ప్రకటనపై అయన ఢిల్లీలో విలేకరులతో మాట్లాడుతూ బిఆర్ఎస్ నేతలు పార్టీలు మారుతారనే ఆందోళనలోనే కేసీఆర్ అభ్యర్థులను ముందే ప్రకటించారని తెలిపారు . గజ్వేల్‌లో ఓడిపోతున్నాడనే సర్వే ఫలితాల భయంతోనే కామారెడ్డికి పోతున్నాడని ఆరోపించారు. కేసీఆర్ రెండు చోట్ల పోటీ చేయడంతోనే బిఆర్ఎస్ ఓడిపోతుందనేది అర్థం అవుతుందన్నారు. కేసీఆర్‌కే దిక్కులేక కామారెడ్డికి పోతున్నాడని ఎద్దేవా చేశారు . ఇక అలాంటి కేసీఆర్ బొమ్మతో మిగితావాళ్ళు ఎలా గెలుస్తారని అయన ప్రశ్నించారు . కేసీఆర్ ఎక్కడ పోటీ చేసిన గెలిచేది కాంగ్రెస్ పార్టీయేనని అయన ధీమా వ్యక్తం చేశారు .
వచ్చేది కాంగ్రెస్ ప్రభుత్వమేనని . బిఆర్ఎస్ పాలనతో నష్టపోయినవారందరు కాంగ్రెస్‌తో కలిసిరావాలని పిలుపునిచ్చారు. తాము ఆన్ టైం‌లో అభ్యర్థుల ప్రకటన చేస్తామని ..ఫిబ్రవరి, మార్చి నుంచే తాము ఎన్నికల ప్రక్రియ మొదలుపెట్టామన్నారు. ఎప్పుడు ఎన్నికలు వచ్చినా కాంగ్రెస్ సిద్ధంగా ఉందన్నారు. ఖర్గే‌ను కలిసి తాను చేపట్టిన పాదయాత్ర విశేషాలు, తెలంగాణ రాష్ట్రంలోని సమస్యలను వివరించానని అయన తెలిపారు. 50 ఏళ్లలో కాంగ్రెస్ ఏమి చేయలేదంటూ కేసీఆర్ అడ్డగోలుగా మాట్లాడుతున్నారని ..అందుకే తాము సెల్ఫీ విత్ కాంగ్రెస్ డెవలప్మెంట్ కార్యక్రమాన్ని మరింత ఉధృతంగా తీసుకెళ్లబోతున్నామని చెప్పారు. కాంగ్రెస్ హయాంలో చేపట్టిన అభివృద్ధి పనుల ముందు నిలబడి సెల్ఫీ దిగి సోషల్ మీడియాలో పోస్టులు పెట్టడం ద్వారా ప్రజల ముందు పెడతామని సీఎల్పీ నేత భట్టి విక్రమార్క పేర్కొన్నారు
