తక్కువ ధరలో 4G, 5G స్మార్ట్‌ఫోన్‌లను ఒకేసారి విడుదల చేసిన Redmi
దిశ, వెబ్‌డెస్క్: Redmi కంపెనీ కొత్తగా 4G,5G వేరియంట్‌‌లను ఇండియాలో విడుదల చేసింది. ఈ మోడల్ పేర్లు Redmi 12 4G,Redmi 12 5G. 12 సిరీస్‌ను ఒకేసారి మార్కెట్లోకి లాంచ్ చేసింది. ఆగస్టు 4న మధ్యాహ్నం 12 గంటల నుండి Redmi వెబ్‌సైట్, Mi Home, Amazon, Flipkart, Xiaomi ఇతర రిటైల్ స్టోర్‌ల ద్వారా అమ్మకానికి అందుబాటులో ఉంటాయి.
Redmi 12 4G స్మార్ట్‌ఫోన్ 4GB RAM+ 128GB వేరియంట్ ధర రూ. 8,999. 6GB RAM+ 128GB వేరియంట్ రూ. 10,999. కొనుగోలు సమయంలో రూ. 1000 తగ్గింపు కూడా ఉంటుంది. Redmi 12 5G ఫోన్ 4GB RAM+ 128GB వేరియంట్ రూ. 10,999, 6GB RAM+ 128GB వేరియంట్ రూ. 12,499, 8GB RAM+ 256GB వేరియంట్ రూ. 14,999.
ఈ రెండు ఫోన్లు కూడా 6.79-అంగుళాల పూర్తి-HD+ (1,080 x 2,460 పిక్సెల్‌లు) డిస్‌ప్లేతో 90Hz రిఫ్రెష్ రేట్, 240Hz టచ్ శాంప్లింగ్ రేట్ కలిగి ఉన్నాయి. స్క్రీన్‌లు కార్నింగ్ గొరిల్లా గ్లాస్ ప్రొటెక్షన్‌తో వస్తాయి. ఆండ్రాయిడ్ 13-ఆధారిత MIUI 14పై రన్ అవుతాయి. Redmi 12 4G ఫోన్‌లో ఆక్టా-కోర్ MediaTek Helio G88 SoC ప్రాసెసర్ ఉంది. 5G మోడల్‌లో Qualcomm Snapdragon 4 Gen 2 చిప్‌సెట్‌ను అందించారు.
రెండు ఫోన్లు కూడా 50MP+8MP+2MP కెమెరాలను కలిగి ఉన్నాయి. అలాగే ముందు సెల్ఫీల కోసం 8-మెగాపిక్సెల్ కెమెరాని అందించారు. స్మార్ట్‌ఫోన్‌లు 18W వైర్డు ఫాస్ట్ చార్జింగ్ సపోర్ట్‌తో 5,000mAh బ్యాటరీలను కలిగి ఉన్నాయి.
