iQOO Z10: ఐక్యూ నుంచి పవర్ఫుల్ స్మార్ట్ ఫోన్.. ధర చాలా తక్కువే
దిశ,వెబ్ డెస్క్: iQOO Z10 Launch: ఐక్యూ జెడ్ 10 స్మార్ట్ ఫోన్ విడుదలకు సిద్ధం అవుతోంది. మిడ్ రేంజ్ స్మార్ట్ ఫోన్లో దీనికి మంచి డిమాండ్ ఉంటుందని భావిస్తున్నారు.కాగా ఈ ఐక్యూ జెడ్ 10 ధరకు సంబంధించిన వివరాలు ఆన్ లైన్ లో లీక్స్ బయటకు వచ్చాయి. ఆ వివరాలను చూద్దాం.
iQOO Z10 Launch: ఐక్యూ నుంచి కొత్త స్మార్ట్ ఫోన్ లాంచ్ కు సిద్ధమవుతోంది. దీనిపేరు ఐక్యూ జెడ్ 10. ఈ గాడ్జెట్ కి సంబంధించి అనేక వివరాలను సంస్థ టీజ్ చేస్తూ వస్తోంది. ఇది ఫ్లాగ్ షిప్ స్మార్ట్ ఫోన్ అయినప్పటికీ ఇందులో కొన్ని ప్రీమియం ఫీచర్లు కూడా వస్తున్నాయని తెలుస్తోంది. ఇది మిడ్ రేంజ్ స్మార్ట్ ఫోన్ మార్కెట్లో మంచి ఆప్షన్ గా ఉండవచ్చు. ప్రస్తుతానికి ఐక్యూ జెడ్ 10 లాంచ్ అయ్యేందుకు ఇంకా కొన్ని రోజులు మాత్రమే సమయం మిగిలి ఉంది. అయితే ఈ స్మార్ట్ ఫోన్ కు సంబంధించిన అనేక లీక్స్ ఇప్పటికే స్పెసిఫికేషన్లు, ఫీచర్లు బయటకు వచ్చాయి. తాజా లీకులను బట్టి చూస్తే ఈ స్మార్ట్ ఫోన్ ధర కూడా లీక్ అయ్యింది. ఏప్రిల్ 11న ఐక్యూజెడ్ 10 లాంచ్ కు ముందు ఈ గాడ్జెట్ కి సంబంధించిన ఇప్పటి వరకు లీక్ అయిన వివరాలు చూద్దాం.
స్మార్ట్ ప్రిక్స్ రిపోర్టు ప్రకారం ఐక్యూ జెడ్ 10 రెండు స్టోరేజ్ ఆప్షన్స్ తో అందుబాటులోకి వస్తుది. అవి 128జీబీ, 256జీబీ. బేస్ స్టోరేజీ మోడల్ ధర భారత్ లో రూ. 21,999 ఉండవచ్చని అంచనా. ఇది లాస్ట్ జనరేషన్ స్మార్ట్ ఫోన్ కంటే కొంచెం ఎక్కువ. అయితే రూ. 2000 బ్యాంక్ డిస్కౌంట్ తో దీని ధర రూ. 19,999కు తగ్గింది.
గ్లేసియర్ సిల్వర్, స్టెల్లార్ బ్లాక్ అనే రెండు కలర్ ఆప్షన్స్ లో ఈ స్మార్ట్ ఫోన్ అందుబాటులో ఉంటుందని ఐక్యూ ఇప్పటికే తెలిపింది. అదనంగా ఐక్యూ జెడ్ 10 అమెజాన్ లో అమ్మకానికి సిద్ధంగా ఉంటుంది. ఇక స్పెసిఫికేషన్లు, ఫీచర్లు చూస్తే..ఐక్యూ జెడ్ 10 సార్ట్ ఫోన్ లో 5000 నెట్స్ పీక్ బ్రైట్ నెస్ తో క్వాడ్ కర్డ్వ్ డిస్ ప్లే ఉంటుందని సంస్థ వెల్లడించింది. స్నాప్ డ్రాగన్ 7ఎస్ జెన్ 3 ప్రాసెసర్ , 8జీబీ రామ్ తో ఈ స్మార్ట్ ఫోన్ పనిచేయనుంది. ఐక్యూ జెడ్ 10లో 90 వాట్ ఫ్లాష్ ఛార్జ్ సపోర్ట్ చేసే 7,300 ఎంఏహెచ్ భారీ బ్యాటరీ ఉంటుందని కంపెనీ తెలిపింది. ఈ స్మార్ట్ ఫోన్ కేవలం 33 నిమిషాల్లో 50శాతం ఛార్జ్ అవుతుందని సంస్థ పేర్కొంది.
ఐక్యూ జెడ్ 10 డ్యూయల్ కెమెరా సెటప్ ను కలిగి ఉంటుంది. ఇందులో 50 మెగాపిక్సెల్ సోనీ ఐఎంఎక్స్ 882 ప్రైమరీ కమెరా, 2 మెగాపిక్సెల్ సెకండరీ కెమెరా ఉండవచ్చు. ఫ్రంట్ సైడ్ లో సెల్ఫీ, వీడియో కాల్స్ కోసం 32 మెగాపిక్సెల్ కెమెరా ఉండే ఛాన్స్ ఉంది. ఇక అధికారిక లాంచ్ సమయంలో ఐక్యూ అన్ని వివరణాత్మక స్పెసిఫికేషన్లను ధ్రువీకరించనుంది కాబట్టి ఏప్రిల్ 11వ తేదీ వరకు ఆగాల్సిందే.
