‘నేతాజీ’ అస్థికలకు DNA టెస్టు చేయించండి..

దిశ, వెబ్‌డెస్క్ : నేతాజీ సుభాష్ చంద్రబోస్ మనవడు సూర్య కుమార్ బోస్ మంగళవారం సాయంత్రం ఒక ప్రకటన విడుదల చేశారు. తన తాతయ్య అస్థికలకు DNA పరీక్ష జరిపించాలని.. అందుకోసం జపాన్‌లోని రెంకోజీ దేవాలయం నుండి భారత స్వాతంత్ర్య సమరయోధుడి అస్థికలను తిరిగి తీసుకురావాలని విదేశాంగశాఖ అధికారులకు విజ్ఞప్తి చేశారు. ‘‘దాదాపు రెండు దశాబ్దాల కిందట DNA పరీక్ష నిర్వహించడానికి, నేతాజీ అవశేషాలను తన ప్రియమైన మాతృభూమికి తీసుకురావడానికి ఒక విలువైన అవకాశం వచ్చినప్పటికీ.. ఇండియన్ గవర్నమెంట్ దానిని కోల్పోయింది’’ అని ఆయన విచారం వ్యక్తంచేశారు.