రజినీ 'దర్బార్'.. నష్టాలు బరాబర్

సూపర్ స్టార్ రజినీకాంత్ స్టైలింగ్ ఐకాన్. భారతదేశ వ్యాప్తంగానే కాదు… ఇతర దేశాల్లోనూ తలైవాకు ఫ్యాన్స్ ఉన్నారు. రజినీ నుంచి ఒక సినిమా వచ్చిందంటే… ఒకప్పుడు నిర్మాతలకు కాసుల వర్షం కురిసేది. ఈ మధ్య కంటెంట్ లోపమో, డైరెక్టర్స్ మిస్టేకో తెలియదు కాని… సూపర్ స్టార్ సినిమా ప్రేక్షకాదరణ పొందక డిస్ట్రిబ్యూటర్లు నష్టాలు చవిచూస్తున్నారు.

కబాలి, కాలా, లింగా ఇలా వరుసగా రజినీ సినిమాలన్నీ … ఫస్ట్ లుక్స్ తో వావ్ అనిపించినా… తీరా థియేటర్లకు చేరాక కనీస రెస్పాన్స్ కూడా రాలేదు. సంక్రాంతికి వచ్చిన దర్బార్‌కు కూడా ఇదే పరిస్థితి ఎదురైంది. రజినీ, మురుగదాస్ కాంబినేషన్ లో వచ్చిన దర్బార్ సినిమా బాగుందనే టాక్ వచ్చినా… అంతగా ఆడలేదు. డిస్ట్రిబ్యూటర్లు దాదాపు రూ.70 కోట్లు నష్టపోయారు. దీంతో అంతా కలిసి నిరహారదీక్ష చేసి నిరసన తెలపాలని అనుకున్నారు. అయితే ముందుగా రజినీని కలుద్దామని వెళ్లిన వారికి నిరాశే ఎదురైంది. మధ్యలోనే పోలీసులు అడ్డుకోవడంతో… దీక్షకు పూనుకోవాలనే నిర్ణయానికి వచ్చేశారట.