ముఖ్యమంత్రిగా ‘పవన్’ !

వరుస సినిమాలతో జోరుమీదున్న పవర్ స్టార్ పవన్‌కల్యాణ్ పూరీ దర్శకత్వం వహిస్తున్న మూవీ సీఎంగా కనిపించునున్నట్టు ఫిలీంనగర్ వర్గాల టాక్‌గా వినిపిస్తోంది. పవన్ ఓవైపుతో రాజకీయాల్లో బిజీగా ఉంటూనే మరోవైపు వరుస సినిమాలకు ఓకే చెప్పారు. ప్రస్తుతం ఏపీలో స్థానిక సంస్థల ఎన్నికలకు సమయం ఉండటంతో ఈ గ్యాప్‌లోనే వరుసగా సినిమాలు చేస్తున్నాడు.ఈ క్రమంలోనే MCA ఫేమ్ వేణు శ్రీరామ్ దర్శకత్వంలో ‘వకీల్ సాబ్’ సినిమాను చేస్తోన్నసంగతి తెలిసిందే. బాలీవుడ్‌లో హిట్ అయిన పింక్ మూవీకి ఇది రీమెక్. ఇటీవలే ఈ చిత్రానికి సంబంధించి ఫస్ట్‌లుక్‌‌ను కూడా విడుదల చేసింది చిత్రబృందం.

వకీల్ సాబ్ చిత్రంతో పాటే, క్రిష్ దర్శకత్వంలో మరో మూవీ షూటింగ్ జరుపుకుంటోంది. ఈ రెండింటితో పాటు పవన్‌కు గబ్బర్ సింగ్‌తో సాలిడ్ హిట్ ఇచ్చిన హరీష్ శంకర్‌తో మరో సినిమాకు సై అన్నారు. ఆ మూవీ ప్రీ ప్రొడక్షన్ దశలో ఉంది. వీటి తర్వాత పవన్ కళ్యాణ్ తన 29వ చిత్రాన్నిదర్శకుడు పూరి జగన్నాధ్ డైరెక్షన్‌లో చేయనున్నారు. ఈ మూవీలో పవన్ అసలు సిసలు రాజకీయ నాయకుడుగా, అనగా సీఎం పాత్రలో అదరగొట్టనున్నాడని సమాచారం. పూరీ గతంలో మహేష్ బాబుతో చేయాలనుకున్నఈ సినిమాను పవన్‌తో చేయనున్నట్టు తెలుస్తోంది. ప్రస్తుత రాజకీయాలను ప్రతిబింబించేలా పూరీ తన మార్క్ స్టైల్‌లో ఈ కథను సిద్ధం చేస్తున్నాట. అయితే ఇటు పవన్‌కు వరుస సినిమాలు ఉండటం, పూరీ కూడా విజయ్ దేవరకొండ హిరోగా బాక్సింగ్ నేపథ్యంలో ఓ సినిమా తెరకెక్కిస్తున్నాడు. ఆ సినిమాలు పూర్తి కాగానే పవన్- పూరీ కాంబినేషన్ సినిమా పట్టాలెక్కనుంది. గతంలో వీరిద్దరి కాంబినేషన్‌లో ‘కెమెరా మెన్ గంగతో రాంబాబు’ మూవీ రాగా అది డివైడ్‌టాక్‌ను సొంతం చేసుకుంది. పవన్‌ను సీఎంగా చూడాలనుకున్న అభిమానుల కోరికను ఈ మూవీ ద్వారా పవర్ స్టార్ తీర్చునున్నట్టు సమాచారం.

tags ;pawan kalyan, puri direction movie, cm role, fighter movie, vakeel saab