‘దేవినేని’తో ఆగిపోను.. ‘పరిటాల రవి’ బయోపిక్ కూడా చేస్తున్నా!

దిశ, సినిమా: నర్రా శివనాగు డైరెక్షన్‌లో ‘దేవినేని’ చిత్రం ద్వారా దేవినేని నెహ్రూ జీవితకథను తెరకెక్కిస్తున్న విషయం తెలిసిందే. అయితే మార్చి 5న రిలీజ్ కాబోతున్న ఈ సినిమాపై ఇప్పటికే పలు కేసులు నమోదయ్యాయి. అయినా ఇలాంటి వివాదాస్పద చిత్రాలను తీసేందుకు వెనకాడబోనంటూ మరో సినిమా ప్రకటించారు దర్శకులు. ‘దేవినేని’ తర్వాత పరిటాల పేరుతో మరో సినిమాను తీసుకురాబోతున్నట్టు వెల్లడించారు. తెలుగు ప్రజల గుండెల్లో చిరస్థాయిగా నిలిచిపోయిన రాజకీయ సంచలనం పరిటాల రవి జీవితకథను తెరకెక్కించబోతున్నట్టు స్పష్టం చేశారు. కాగా పరిటాల పాత్రలో తనను పోలిన నటుడు డీఎస్. రావు నటించనున్నారు. ఎన్ షో టైమ్ బ్యానర్‌పై రజనీకాంత్, సీహెచ్ నాగేశ్వర రావు ఈ చిత్రాన్ని సంయుక్తంగా నిర్మించనున్నారు.