20న నీట్ కౌన్సెలింగ్

దిశ, తెలంగాణ బ్యూరో: నీట్ రెండో విడత కౌన్సెలింగ్ రిజిస్ట్రేషన్‌ ఈనెల 20కి వాయిదా పడింది. ముందుగా 18తేదీనే నిర్వహించాలని భావించినప్పటికీ తేదీని మారుస్తూ మెడికల్ కౌన్సెలింగ్ కమిటీ మార్పులు చేసింది. మేనేజ్‌మెంట్, ఎన్‌ఆర్ఐ కోటాల అడ్మిషన్స్ కోసం వెబ్ ఆప్షన్స్ ద్వారానే కౌన్సెలింగ్ నిర్వహించాలని కాళోజీ హెల్త్ యూనివర్సిటీ ప్రకటించింది. కన్వీనర్ కోటాకు మాత్రమే వెబ్ ఆప్షన్స్ ఉండగా.. బీ, సీ కేటగిరీలకు ఉండదు. ఈసారి కరోనా నేపథ్యంలో వెబ్ ఆప్షన్స్ ద్వారానే అడ్మిషన్స్ ఇచ్చేందుకు యూనివర్సిటీ అధికారులు నిర్ణయం తీసుకున్నారు. ఇందుకోసం ప్రత్యేకంగా సాఫ్ట్‌వేర్‌ను వినియోగిస్తుండగా.. మెరిట్ ప్రకారం అదే విద్యార్థులకు సీట్లను కేటాయిస్తోంది.