Crime News : పాఠశాలలో కాల్పుల మోత.. ఇద్దరి మృతి
దిశ, వెబ్ డెస్క్ : అగ్రరాజ్యం అమెరికా(America)లో మరోసారి తుపాకుల కాల్పులు(Gun Firing) ఉలిక్కిపడేలా చేశాయి. విస్కాన్సిన్ లోని మాడిసన్‌లో ఉన్న అబండంట్ క్రైస్తవ పాఠశాలలో ఓ 15 ఏళ్ల విద్యార్థిని కాల్పులకు పాల్పడింది. ఈ కాల్పుల్లో ఇద్దరు చనిపోగా, మరో ఆరుగురు గాయపడ్డారు. మృతుల్లో ఓ టీచర్, విద్యార్థి ఉన్నారు. గాయపడిన వారిలో ఇద్దరు విద్యార్థుల పరిస్థితి విషమంగా ఉన్నట్టు మాడిసన్ పోలీస్ చీఫ్ షాన్‌బర్నెస్ తెలిపారు. అయితే కాల్పులకు పాల్పడిన అమ్మాయి కూడా మరణించింది. ఆమె ఆత్మహత్య చేసుకుని ఉండవచ్చని పోలీస్‌లు భావిస్తున్నారు. ఆమె 12 వ తరగతి విద్యార్థిని. 390 మంది విద్యార్థులు ఉన్న ఈ పాఠశాలలో కాల్పులు జరగడంతో విద్యార్థులు తీవ్ర భయాందోళనలకు గురయ్యారు. ఈ కాల్పుల సంఘటన వివరాలను దేశాధ్యక్షుడు బైడెన్‌కు అధికారులు తెలియజేశారు. వాస్తవానికి అమెరికాలో మైనర్లు తుపాకీ కలిగి ఉండడం నేరం. అయితే ఈ 15 ఏళ్ల అమ్మాయి దగ్గర తుపాకీ ఎలా వచ్చిందో పోలీసులు దర్యాప్తు చేస్తున్నారు.
