Junior Doctors: ముగ్గురు జూనియర్ డాక్టర్లకు సమన్లు.. జూనియర్ వైద్యురాలి హత్య కేసులో కీలక పరిణామం

దిశ, నేషనల్ బ్యూరో : పశ్చిమబెంగాల్ రాజధాని కోల్‌కతాలోని ఆర్‌జీ కర్ మెడికల్ కాలేజీ హాస్పిటల్‌‌కు చెందిన జూనియర్ వైద్యురాలి హత్య, అత్యాచారం వ్యవహారంలో కీలక పరిణామం చోటుచేసుకుంది. ఈ వ్యవహారంలో ముగ్గురు జూనియర్ డాక్టర్లు, ఒక హౌజ్ స్టాఫ్‌కు కోల్‌కతా పోలీసులు సోమవారం సమన్లు జారీ చేశారు. జూనియర్ వైద్యురాలితో పాటు ఈ నలుగురు కూడా గత గురువారం (ఆగస్టు 8న) రాత్రి హాస్పిటల్‌లో డ్యూటీ చేసినట్లు పోలీసు వర్గాలు తెలిపాయి.

ఆగస్టు 9న ఆస్పత్రిలోని సెమినార్ హాల్‌లో జూనియర్ వైద్యురాలు విగత జీవిగా కనిపించింది. మరోవైపు ఈ కేసులో నిందితులను సాధ్యమైనంత త్వరగా అరెస్టు చేయాలని పోలీసులను బెంగాల్ సీఎం మమతా బెనర్జీ ఆదేశించారు. ఆదివారంకల్లా ఈ కేసును పోలీసులు పరిష్కరించలేకపోతే, దీన్ని సీబీఐకి అప్పగిస్తామి దీదీ స్పష్టం చేశారు.