టాలీవుడ్‌లో మరో విషాదం.. సీనియర్ నటి జమున కన్నుమూత
దిశ, వెబ్‌డెస్క్: తెలుగు చిత్ర పరిశ్రమలో తీవ్ర విషాదం చోటుచేసుకుంది. ప్రముఖ సీనియర్ నటి జమున(86) కన్నమూశారు. గతకొంత కాలంగా అనారోగ్యంతో బాధపడుతున్న ఆమె హైదరాబాద్‌లోని ఆమె స్వగృహంలోనే చికిత్స తీసుకుంటోంది. పరిస్థితి విషమించి శుక్రవారం తెల్లవారుజామున తుదిశ్వాస విడిచింది. జమున మరణవార్త తెలిసిన టాలీవుడ్ ప్రముఖులు సంతాపం ప్రకటిస్తున్నారు. కాగా, ఇటీవలే సూపర్ స్టార్ కృష్ణ, రెబల్ స్టార్ కృష్ణంరాజు, చలపతిరావు, కైకాల సత్యనారాయణ వంటి ప్రముఖుల మరణాన్ని మరువక ముందే జమున మృతిచెందడం చిత్ర పరిశ్రమకు చెందిన పలువురిని తీవ్రంగా కలిచి వేస్తోంది. ఉదయం 11 గంటల నుంచి ఫిల్మ్ చాంబర్‌లో ప్రముఖులు, అభిమానుల సందర్శనార్థం ఆమె పార్థివదేహాన్ని ఉంచనున్నట్లు కుటుంబసభ్యులు తెలిపారు.
1936 ఆగష్టు 30న జమున హంపిలో జన్మించింది. 1953 లో వచ్చిన పుట్టిళ్లు సినిమాతో సినిమాల్లోకి ఎంట్రీ ఇచ్చిన జమున.. మిస్సమ్మ సినిమాతో ప్రత్యేక గుర్తింపు తెచ్చుకుంది. 2008లో జమునకు ఎన్టీఆర్‌ నేషనల్ అవార్డ్ వరించింది. ఆ తర్వాత కాలంలో సినిమా సత్యభామగా పేరు పొందింది. తెలుగు, కన్నడ, హిందీ, తమిళ్ భాషల్లో నటించింది. బంగారు పాప, వద్దంటే డబ్బు, దొంగరాముడు, సంతోషం, మిస్సమ్మ, తెనాలి రామకృష్ణుడు, చిరంజీవులు, చింతామణి, భాగ్యరేఖ, గులేబకావళి కథ, గుండమ్మ కథ, బొబ్బిలి యుద్ధం, దొరికితే దొంగలు, కీలుబొమ్మలు, లేత మనసులు, మూగమనసులు, చదరంగం, శ్రీకృష్ణతులాభారం వంటి 150 చిత్రాల్లో నటించి తనదైన శైలిలో రాణించింది.
Also Read...
జమున మృతి పట్ల సీఎం కేసీఆర్ సంతాపం
డేటింగ్ రూమర్స్.. ఆ హీరోయిన్‌తో జంటగా ఎంగేజ్‌మెంట్‌కు యంగ్ హీరో!
ప్రముఖ డబ్బింగ్ ఆర్టిస్ట్ శ్రీనివాస మూర్తి మృతి
