బన్నీ ఇంట్లో ఎర్రచందనం దుంగలు.. ఫొటోలు వైరల్

దిశ, సినిమా :'పుష్ప' స్టార్ అల్లు అర్జున్ 16 రోజుల దుబాయ్ పర్యటన ముగించుకుని ఇంటికి చేరుకున్నారు. అతనిని స్వాగతిస్తూ 'ఆహా' బృందం ఓ వేడుకను ఏర్పాటు చేయగా.. గుమ్మంలో అడుగుపెట్టిన బన్నీ ఒక్కసారిగా షాక్ అయ్యారు. ఈ విషయాన్ని ట్విట్టర్ ఖాతాలో పోస్ట్ చేసిన బన్నీ.. 'నా #AAFAMILY నుంచి లవ్‌లీ సర్‌ప్రైజ్. అందరి ప్రేమకు ధన్యవాదాలు.. తగ్గేదేలే' అంటూ క్యాప్షన్ ఇచ్చారు. ఇంతకీ అక్కడ ఏం జరిగిందంటే.. అల్లు అర్జున్ ఇంటి తలుపులు తీయగానే కుడివైపున తన మొదటి సినిమా డైరెక్టర్ రాఘవేంద్రరావు ఫొటో, ఎదురుగా 'పుష్ప' గెటప్‌‌లో మరో పెద్ద కటౌట్‌తో పాటు టేబుల్ మీద గొడ్డలి, కత్తులు కనిపించాయి. అన్నింటికన్నా ముఖ్యంగా గదినిండా ఎర్ర చందనం దుంగలు వేలాడదీసి ఉండటం బన్నీ తో పాటు అభిమానులను ఆశ్చర్యానికి గురిచేసింది. ప్రస్తుతం ఈ పిక్స్ సోషల్ మీడియాలో హల్ చల్ చేస్తున్నాయి.

https://twitter.com/alluarjun/status/1487336538107424769?s=20&t=kcKyRETXt5nfyygSjlCfqg