ఇన్‌స్టాగ్రామ్ వాడుతోన్న రామ్ చరణ్ పెట్ డాగ్! 80 వేల పైన ఫాలోవర్స్.. ఏం ఏం పోస్టులు పెట్టిందంటే?
దిశ, సినిమా: టాలీవుడ్ హీరో రామ్ చరణ్ ప్రస్తుతం గేమ్ ఛేంజర్ సినిమాతో ప్రేక్షకుల ముందుకు రావడానికి సిద్ధంగా ఉన్నాడు. ఈ మూవీ కోసం మెగా ఫ్యాన్స్ ఈగర్ గా వెయిట్ చేస్తున్నారు. సినిమాల విషయం పక్కన పెడితే.. రామ్ చరణ్ కు ఒక పెట్ డాగ్ ఉన్న విషయం తెలిసిందే. ఈ డాగ్ పేరు రైమ్. చరణ్ కు రైమ్ అంటే ఎంతో ఇష్టం. చరణ్ ఎక్కడికెళ్లినా తన వెంట తప్పక ఉండాల్సిందే. ఆర్ఆర్ఆర్ సినిమా ప్రమోషన్స్ లో భాగంగా కూడా పెట్ డాగ్ ను చరణ్ వెంట తీసుకెళ్లాడు.
సొంత బిడ్డలా స్వయంగా తనే ఎత్తుకుని ట్రావెల్ చేస్తుంటాడు. అయితే తాజాగా సోషల్ మీడియాలో రైమ్ గురించి ఓ వార్త విన్న జనాలు ఆశ్చపోతున్నారు. ఏకంగా ఈ పెట్ డాగ్ పేరు మీద ఇన్‌స్టాగ్రామ్ అకౌంట్ ఉంది. ఈ ఇన్‌స్టాలో చరణ్, ఉపాసనతో రైమ్ దిగిన ఫోటోలు, వీడియోలు పోస్ట్ చేస్తూ ఉంటారు. ఆర్సీ 16 లాంచింగ్ సెరిమొని ఫోటో పోస్ట్ చేసి... నాన్న(రామ్ చరణ్), అక్క జాన్వీ కపూర్ లకు ఆల్ ది బెస్ట్ అని చెప్పింది. ప్రస్తుతం రైమ్ ఇన్‌స్టాలో 80 వేలకు మందికి పైగా ఫాలో అవుతున్నారు.
ఒక పెట్ డాగ్ కు ఈ రేంజ్ ఫాలోయింగ్ ఉండటం ఏంటి? అంటూ నెటిజన్లు షాక్ అవుతున్నారు. సెలబ్రిటీల లెవల్ లో అనుచరులు ఉండటం నిజంగా విశేషం అంటూ కొనియాడుతున్నారు. మరీ ఈ ఇన్‌స్టాగ్రామ్ ఉపాసన మెయింటైన్ చేస్తుందా? లేక చరణా? అనే విషయం తెలియదు. టాయ్ పాడిల్ బ్రీడ్ కి చెందిన ఈ డాగ్ ధర రూ. 35000 నుంచి 70000 వేల వరకు ఉంటుందని సమాచారం.
