‘గుంటూరు కారం’ ట్రైలర్ రిలీజ్ డేట్ ఫిక్స్?

దిశ, సినిమా: సూపర్ స్టార్ మహేష్ బాబు నటిస్తున్న తాజా చిత్రం ‘గుంటూరు కారం’. త్రివిక్రమ్ శ్రీనివాస్ తెరకెక్కిస్తున్న ఈ సినిమాలో శ్రీలీల, మీనాక్షీ చౌదరి హీరోయిన్లుగా నటిస్తుండగా థమన్ సంగీతం అందిస్తున్నాడు. కాగా ఈ మూవీ వచ్చే ఏడాది సంక్రాంతి కానుకగా జనవరి 12న రిలీజ్ కానుంది. అయితే ఇప్పటికే విడుదలైన రెండు సాంగ్స్‌లో మొదటి సాంగ్ పర్వాలేదు అనిపించుకున్నా.. రెండో సాంగ్ పెద్దగా ఆకట్టుకోలేక పోయింది. దీంతో ఫ్యాన్స్ నిరాశలో ఉన్నారు. ఇదిలా ఉంటే తాజాగా ఈ సినిమా ట్రైలర్ గురించి అదిరిపోయే అప్‌డేట్ హల్ చల్ చేస్తుంది. ఈ ట్రైలర్‌ను కొత్త సంవత్సరం కానుకగా జనవరి 1న రిలీజ్ చేయనున్నట్లు టాక్. కాగా దీనిపై అధికారిక ప్రకటన రావాల్సి ఉంది.