ఎలక్షన్ వేళ పవన్ కల్యాణ్ 'పవర్ ఫుల్' ఎంట్రీ.. స్టేట్‌ను షేక్ చేస్తున్న 'ఉస్తాద్ భగత్ సింగ్' డైలాగ్ (వీడియో)

దిశ, వెబ్‌డెస్క్: ఈ రోజు రిలీజ్ అయిన ఉస్తాద్ భగత్ సింగ్ టీజర్ సినిమా ప్రేక్షకులను ఎంతగానో అలరిస్తోంది. భగత్ బ్లజ్ పేరుతో రిలీజ్ అయిన ఈ టీజర్ లో పూర్తిగా యాక్షన్ సీన్లు ప్రేక్షకులను ఆకట్టుకున్నాయి. ఇదిలా ఉంటే టీజర్ లో పవన్ కల్యాణ్ చెప్పిన రెండే రెండు డైలాగులు ప్రస్తుతం రాజకీయ దుమారం రేపుతున్నాయి. టీజర్ లో పూర్తిగా పోలీస్ గెటప్ లో పవన్ కనిపించిగా.. విలన్ టీ గ్లాసును కింద పడేసి..నీ రేంజ్ పరిస్థితి అంటాడు. దీనికి హీరో పవన్.. గాజు పగిలే కొద్ది పదునెక్కుద్ది.. కచ్చితంగా గుర్తు పెట్టుకో గ్లాస్ అంటే సైజు కాదు సైన్యం,, కనిపించని సైన్యం అని చెప్పిన డైలాగ్ జనసైనికుల రోమాలు నిక్కబొడిచేలా ఉండగా..? అధికార వైసీపీ కి మాత్రం గట్టి కౌంటర్ ఇచ్చేలా ఈ డైలాగులు ఉన్నాయి. దీంతో ప్రస్తుతం ఈ డైలాగ్స్ సోషల్ మీడియాలో తెగ వైరల్‌గా మారాయి. దీంతో పవన్ అభిమానులు మాత్రం ఫుల్ జోష్ లో కనిపిస్తున్నారు.