Samantha: అగ్ర హీరోయిన్ సమంత నటించిన బ్లాక్ బస్టర్ చిత్రాలివే..!
దిశ, సినిమా: టాలీవుడ్ స్టార్ హీరోయిన్ సమంత టాలెంట్ గురించి ప్రత్యేకంగా చెప్పాల్సిన అక్కర్లేదు. అందం, అభినయం, నటన, డాన్స్‌‌తో తెలుగు ప్రేక్షకుల మనసుల్లో స్థానం దక్కించుకుంది. కెరీర్ స్టార్టింగ్‌లోనే ఈ అమ్మడు దర్శక, నిర్మాతల దగ్గర మంచి ఇంప్రెషన్ దక్కించుకుంది. మంచి కంటెంట్ ఉన్న సినిమాలను ఎంపిక చేసుకుంటూ టాప్ హీరోయిన్‌గా నిలిచింది. 2010 లో ఈ బ్యూటీ ఏమాయ చేశావే సినిమాతో సినీ ఇండస్ట్రీకి ఎంట్రీ ఇచ్చింది. తర్వాత తన నటనకు ఫిదా అయినా దర్శకులు వరుస అవకాశాలు ఇచ్చారు. ఎన్నో సినిమాల్లో నటించినప్పటికీ సమంత నటించిన కొన్ని సినిమాలు మాత్రం ఇప్పటికి వెరీ స్పెషల్‌గా చెప్పుకుంటారు. మరీ సామ్ బ్లాక్ బస్టర్ మూవీస్ ఏంటో ఇప్పుడు చూద్దాం.
2011 లో సూపర్ స్టార్ మహేష్ బాబు సరసన నటించిన ‘దూకుడు’ చిత్రం సూపర్ హిట్‌గా నిలిచింది. ఇందులో సామ్-మహేష్ జోడి బాగుండటమే కాకుండా తన నటనతో యువతను మంత్రముగ్దుల్ని చేసింది. తర్వాత పవన్ స్టార్ పవన్ కల్యాణ్ సరసన నటించిన అత్తవారింటికి దారేది, నాగార్జునకు అమ్మగా నటించిన మనం సినిమా కూడా హిట్ అందుకుంది. మెగా హీరో రామ్ చరణ్‌తో నటించిన రంగస్థలం చిత్రాలు సామ్ కెరీర్‌లో బ్లాక్ బస్టర్ చిత్రాలని నెట్టింట అభిమానులు గుర్తుచేసుకుంటున్నారు. ప్రస్తుతం ఈ వార్త సోషల్ మీడియాలో వైరల్ అవ్వగా.. సామ్ సినీ కెరీర్‌లో మరింత క్రేజ్ దక్కించుకుని టాప్ పొజిషన్‌లో నిలవాలని కోరుకుంటున్నారు.
Read More : క్యూటీ సమంతపై పొగడ్తల వర్షం కురిపిస్తోన్న నెటిజన్లు.. ఎందుకంటే?
