ట్రెండింగ్‌లో అనుపమ సాంగ్

క్యూటెస్ట్ అనుపమ పరమేశ్వరన్ లేటెస్ట్ మలయాళీ మూవీ.. ‘మనియరాయిలే అశోకన్’. సంజు సైబా దర్శకత్వంలో దుల్కర్ సల్మాన్ నిర్మిస్తున్న ఈ చిత్రంలో జాకొబ్ గ్రెగొరీ హీరోగా నటిస్తున్నారు. అను సితార, విమలా రామన్ కూడా నటిస్తున్న ఈ చిత్రం నుంచి పంద్రాగస్టు కానుకగా ‘పెయ్యూమ్ నిలవావ్’ వీడియో సాంగ్ రిలీజ్ చేసింది మూవీ యూనిట్. ఈ పాటలో అనుపమ, జాకోబ్ విలేజ్ లవ్ స్టోరీ సీన్స్ అద్భుతంగా ఉండగా.. శ్రీహరి కే నాయర్ సంగీతం, కేఎస్ హరిశంకర్ గాత్రానికి ఫిదా అయ్యారు ఆడియన్స్. ప్రస్తుతం యూట్యూబ్‌లో ఈ సాంగ్ ట్రెండింగ్‌లో ఉంది.

గ్రెగొరీ లీడ్ రోల్‌లో నటిస్తున్న తొలి చిత్రం ఇదే కాగా, అనుపమకు మలయాళంలో మూడో సినిమా. టైటిల్ రోల్ అశోకన్‌గా గ్రెగొరీ కనిపించనుండగా.. లవర్ శ్యామగా అనుపమ అలరించబోతుంది. అశోకన్ లవ్, మ్యారేజ్, ఫస్ట్ నైట్ నేపథ్యంలో తెరకెక్కిన స్వీట్ లవ్ స్టొరీపై భారీ ఎక్స్‌పెక్టేషన్స్ ఉన్నాయి.