చెరువులో మహంకాళి అస్థిపంజరం.. షాకైన గ్రామస్థులు

దిశ,పాలకుర్తి: జనగామ జిల్లా పాలకుర్తి నియోజకవర్గం దేవరుప్పుల మండలం చిన్నమడూర్ చెరువులో శనివారం అస్థిపంజరం బయటపడింది. గ్రామానికి చెందిన మత్స్యకారులు చేపల వేటకు వెళ్లారు. చేపలు పట్టే సమయంలో వలకు అస్థిపజరం చిక్కడంతో మత్స్యకారులు షాక్‌కు గురయ్యారు. అయితే ఆ అస్థిపజరంకు ఉన్న చీరను బట్టి పదిరోజుల క్రితం గ్రామం నుంచి బయటకువెళ్లిన మహంకాళి సోమలక్ష్మి(56)గా వారు గుర్తించారు. దీంతో గ్రామస్థులు దేవరుప్పుల పోలీసులకు సమాచారం అందించారు. ఘటనా స్థలానికి చేరుకున్న పోలీసులు కేసు నమోదు చేసుకొని దర్యాప్తుచేస్తున్నారు.