అట్లుంటది ఆడవాళ్ళతోని!.. బైక్‌పై అమ్మాయిల ట్రిపుల్ రైడింగ్‌.. నేరుగా ఎక్కడికి వెళ్లారో తెలిస్తే షాక్ అవ్వాల్సిందే!
దిశ, ఫీచర్స్: ఈ రోజుల్లో ఆడవాళ్లు మగవారి కంటే ఏ విషయంలోనూ తక్కువ కాదంటున్నారు. ఆడవాళ్లు కూడా మగవారితో సమానంగా అన్ని విషయాలలో రాణిస్తున్నారు. మగవారికి ధీటుగా పలు వాహనాలు నడిపిస్తున్నారు. అంతేకాదు.. వారికి ఏ మాత్రం తీసిపోకుండా తామేందులోనూ తగ్గేదేలేదంటూ బైక్‌పై స్టంట్స్ కూడా చేస్తున్నారు. కానీ కొన్నిసార్లు ప్రమాదాల బారిన పడుతున్నారు. అలాంటి వీడియో ఒకటి సోషల్ మీడియాలో తెగ వైరల్ అవుతోంది.
ఆ వైరల్ వీడియోలో ముగ్గురు అమ్మాయిలు ఒకే బైక్‌పై ఎక్కడికో వెళ్తూ నేరుగా వెళ్లి ఒక డ్రైనేజీలో పడిపోయారు. తల నుంచి పాదాల వరకు శరీరమంతా డ్రైన్‌లోని చెత్తతో నిండిపోయింది. దీంతో వారు ఆ బురదలో స్నానం చేసినట్లుగా కనిపిస్తున్నారు. అయితే, వీరి బైక్‌ ప్రమాదం జరిగిన సమయంలో సమీపంలో ఉన్న ఇద్దరు వ్యక్తులు ఆమె బైక్‌ను కాలువలో నుండి బయటకు తీయడానికి ప్రయత్నిస్తున్నారు. ప్రమాదం ఎలా జరిగిందో వీడియోలో చూపించనప్పటికీ, ప్రమాదం జరిగిన తీరును చూస్తే ఎవరైనా వారిని ఢీకొట్టి పారిపోయి ఉంటారని అనిపిస్తుంది. అది చూసిన నెటిజన్లు రోడ్డుపై డ్రైనేజీ ఎందుకు వేసారంటూ, మరికొందరు వారు ఆడవారు.. వారు ఏదైనా చేయగలరు.. మధ్యలో వచ్చిన కాలువది తప్పు అంటూ కామెంట్లు చేస్తున్నారు.
