కింద అలా వేసుకుంద‌ని ఎయిర్‌పోర్టులోనే విప్పించారు..?! (వీడియో)
దిశ, వెబ్‌డెస్క్ః 'రాజు త‌లుచుకుంటే దెబ్బ‌ల‌కు కొదువా' అన్న‌ట్టు అధికారంలో ఉన్నోళ్లు ఏదైనా చేయ‌గ‌ల‌మ‌నే అహంకారంతో విర్ర‌వీగుతుంటారు. 'పిర్ర‌ను చూసి పీటేస్తార‌నే' సామెత‌లా వ్య‌క్తిని బ‌ట్టి రూల్స్‌ని మార్చేస్తుంటారు. ఇలాంటిదే ఓ సంఘటన అమెరికాలోని ఎయిర్‌పోర్టులో జ‌రిగింది. హ్వాంగ్ సో-హీ అనే పాపుల‌ర్‌ దక్షిణ కొరియా డిస్కో జాకీ ధరించిన ప్యాంట్ ఇబ్బందిక‌రంగా ఉందని, విమానంలోకి ఎక్కి, కూర్చున్న తర్వాత అధికారులు వ‌చ్చి ఆమెను దించేశారు. ఆ ప్యాంట్ ఇప్పేయాలంటూ విమానాశ్ర‌యంలో అర్థ‌న‌గ్నంగా ఆమెను అవ‌మానప‌రిచారు. న్యూయార్క్ నుండి లాస్ ఏంజిల్స్‌కు వెళ్తున్న ఆమె అమెరికన్ ఎయిర్‌లైన్స్ ఫ్లైట్‌లోకి వెళ్లింది. ఆమె ధరించిన లెగ్గింగ్స్ పైన "f*** ఆఫ్" అని రాసి ఉండ‌టంతో, దాన్ని అధికారులు అబ్జెక్ట్ చేశారు. అమెరికాలో స‌ర్వ‌సాధార‌ణంగా వాడే ఈ ప‌దం అక్క‌డి అధికారుల‌కు అంత అస‌హ్యంగా ఎందుకు అనిపించిందో కానీ ఆమెను విమానం నుండి దించేశారు.
ఈ సంఘటన తర్వాత డీజే హ్వాంగ్ తన అనుభవాన్ని సోషల్ మీడియాలో పంచుకుంది. తన బోర్డింగ్ పాస్‌ని తనిఖీ చేసిన అమెరికన్ ఎయిర్‌లైన్స్ ప్రతినిధి మొదట బోర్డింగ్ గేట్ వద్ద తనను ఎంత అభిమానంగా స్వాగతించారో ఆమె ఇన్‌స్టాగ్రామ్‌లో పేర్కొంది. ఆ తర్వాత జ‌రిగిన ప‌రిణామాల‌ను తెలుపుతూ, తనకు ఒక ముఖ్యమైన సమావేశం ఉందని చెప్పినా విన‌కుండా ఆమెను దించేసిన‌ట్లు తెలిపింది. "ఎనిమిదేళ్లలో నా టూర్‌లో ఇలాంటి అవ‌మానం ఇదే మొదటిసారి" అని ఆమె పేర్కొన్నారు. వ్యక్తిగత స్వేచ్ఛను గౌరవించే యునైటెడ్ స్టేట్స్‌లో ఇలాంటి ప‌రిస్థితి రావ‌డం నమ్మశక్యం కాదు" అని వాపోయారు. ఇక‌పై, అమెరికన్ ఎయిర్ వేస్‌లో ప్ర‌యాణించ‌న‌ని చెప్పారు.
