కానిస్టేబుల్ ర్యాప్‌కి ఇంట‌ర్నెట్ షాక్‌.. ఆ రేంజే వేరు! (వీడియో)
దిశ, వెబ్‌డెస్క్ః జీవిత‌మంటే అంతే మ‌రి.. ఏదో కావాల‌నుకుంటాము, ఇంకేదో కావాల్సి వ‌స్తుంది! కానీ ఒక్క‌టి మాత్రం ష్యూర్‌, మ‌న‌లో ఉన్న ప్ర‌తిభ, నైపుణ్యాలు ఎప్ప‌టికీ నిరుప‌యోగం కావు. అయితే, వాటిని బ‌య‌ట‌కు తీసుకురావ‌డంపైన దృష్టి పెట్టాలంతే. ఎప్పుడు, ఎలా అనేది ఆయా ప‌రిస్థితుల‌ను బ‌ట్టి ప్లాన్ చేసుకోవాలంతే..! ఇలాంటి ప్రతిభను చూపించే ఒక పోలీసు వీడియో నెట్టింట్లో వైర‌ల్ అయ్యింది. అంద‌రికీ సాధ్యం కాని, ర్యాపింగ్‌ టాలెంట్ ఈ పోలీసు సొంతమ‌య్యింది. టంగ్ ట్విస్ట్‌లు, సూప‌ర్ ఫాస్ట్ సింగింగ్ స్కిల్స్ ఉన్న‌వారే ర్యాప్‌ని ర‌ఫ్ఫాడించ‌గ‌ల‌రు. అందుకే, ఈ వీడియోను చూసిన ప్రజలు ఆశ్చర్యపోయారు. కొన్ని రోజుల క్రితం 'vvekverma' అనే ఇన్‌స్టాగ్రామ్ హ్యాండిల్ ద్వారా వీడియోను అప్‌లోడ్ చేశారు. "ఈ వ్యక్తి ఖచ్చితంగా మెయిన్ స్ట్రీమ్‌లో ఉండటానికి అర్హుడు" అని ఇత‌న్ని ప్ర‌శంసించారు. వ్యూవ్స్ వేల‌ల్లో ఉన్నా వాయిస్‌లో ఉన్న వెయిటేజ్ మాత్రం విలువ క‌ట్ట‌లేనిది. తన ర్యాప్‌తో, తోటి పోలీసుల్నే కాదు, నెటిజ‌న్ల హృదయాలను కొల్లగొట్టాడు. ఇక, ఉన్న సమాచారం ప్రకారం ఈ పోలీసు కానిస్టేబుల్ పేరు జీవన్ కుమార్ అని, జ‌మ్మూ&కాశ్మీర్‌ పోలీస్ డిపార్ట్‌మెంట్‌లో ప‌నిచేస్తున్నాడ‌ని తెలిసింది.
