గాంధీభవన్‌లో నేడు కీలక సమావేశం

దిశ, వెబ్‌డెస్క్: కాంగ్రెస్ పార్టీ తెలంగాణ రాష్ట్ర సారథి అనే అంశంపై సర్వత్రా ఆసక్తి నెలకొంది. ఇందులో భాగంగా నేడు టీపీసీసీ అధ్యక్షుడిగా ఎవరైతే బాగుంటుందన్నదానిపై గాంధీభవన్‌లో అభిప్రాయ సేకరణ ప్రారంభమైంది. ఈ నేపథ్యంలో గురువారం మాజీ ఎమ్మెల్యేలు, ఎమ్మెల్సీలతో పార్టీ రాష్ట్ర వ్యవహారాల ఇంచార్జి మాణిక్కం ఠాగూర్‌ భేటీ కానున్నారు. పీసీసీ అభ్యర్థిత్వంపై అభిప్రాయాలు తీసుకోనున్నారు. ఇప్పటికే టీపీసీసీ కోర్‌ కమిటీ సభ్యులు, పార్టీ ఎంపీ, ఎమ్మెల్యేలతోనే అభిప్రాయ సేకరణను మాణిక్కం ఠాగూర్‌ ప్రారంభించారు. టీపీసీసీకి నూతన సారధిగా ఎవరిని నియమించాలనే దానిపై బుధవారం రాత్రి వరకూ టీపీసీసీ కోర్ కమిటీ సమావేశం జరిగింది.