రాజకీయాల్లో ఎలా నిలబడగలరన్నారు..?

దేశ రాజకీయాలన్నీ కులం, ప్రాంతం ప్రాతిపదికన నడుస్తోన్న పరిస్థితుల్లో..మీరెలా నిలబడగలరని ‘మేము రాజకీయాల్లోకి అడుగుపెట్టినపుడు ప్రజలు అడిగేవారని ఢిల్లీ డిప్యూటీ సీఎం మనీష్ సిసోడియా అన్నారు. ఎన్నికల మెనిఫెస్టోలో పొందుపరిచిన హామీలన్నీ నెరవేర్చేందుకు మరింత కృషి చేస్తామని ఆయన ఈ రోజు ఎన్డీటీవీతో తెలిపారు. ప్రస్తుతం మేము వరుసగా మూడోసారి ప్రభుత్వాన్ని ఏర్పాటు చేయడంతో.. ప్రత్యర్థుల మాటలన్నీ తప్పని ప్రజలు నిరూపించారని ఆనందం వ్యక్తం చేశారు. చాలా పార్టీలు మేనిఫెస్టోలు రూపొందించినా, ఆ తర్వాత వాటిని అమలు చేయడంలో విఫలమవుతుంటాయని ఎద్దేవా చేశారు. కానీ మేము తప్పకుండా ఇచ్చిన హామీలన్నీ నెరవేరుస్తామని వెల్లడించారు.