థర్డ్ అంపైర్ ఎక్కడున్నాడో ఏమో.. బైనాక్యులర్ లో క్రికెటర్ భార్య వెతుకులాట

దిశ,వెబ్‌డెస్క్: టీమిండియా క్రికెటర్ హార్దిక్ పాండ్యా సతీమణి, బాలీవుడ్ హీరోయిన్ నటాషా చేసిన ఫోస్ట్ సోషల్ మీడియాలో వైరల్ గా మారింది. ఇటీవల ఇంగ్లండ్‌తో జరిగిన 5 టీ20ల సిరీస్‌ 4వ మ్యాచ్ లో తొలిసారి బ్యాటింగ్ దిగిన సూర్య కుమార్ 360 షాట్స్ తో హాఫ్ సెంచరీ సాధించాడు. అయితే ఆ మ్యాచ్ లో థర్డ్ అంపైర్ వివాదాస్పద నిర్ణయంతో పెవీలియన్ బాట పట్టాడు. ఈ నిర్ణయంపై తీవ్ర దుమారం రేగగా.. అంపైర్‌పై అభిమానులు ఆగ్రహం వ్యక్తం చేస్తున్నారు.

అయితే ఈ విషయంపై పాండ్యా సతీమణి నటాషా స్పందించారు. సూర్య కుమార్ యాదవ్ భార్య దేవిషా శెట్టి బైనాక్యులర్ సాయంతో మ్యాచ్ చూస్తున్న ఫొటోల్ని షేర్ చేశారు. ఆ పిక్‌ను షేర్ చేసిన నటాషా.. థర్డ్ అంపైర్ కోసం దేవిషా అన్వేశిస్తుందని సరదాగా క్యాప్షన్‌ యాడ్ చేశారు. ప్రస్తుతం ఈ పోస్ట్ నెట్టింట హల్‌చల్ చేస్తోంది.