ఎంపీడీఓ సంఘం రాష్ట్ర ఉపాధ్యక్షుడిగా గంగాధర్

దిశ ప్రతినిధి, ఆదిలాబాద్: మండల పరిషత్ అభివృద్ధి అధికారుల సంఘం జిల్లాకు చెందిన అర్ల గంగాధర్ ఎన్నికయ్యారు. మంగళవారం జరిగిన రాష్ట్ర కార్యవర్గం ఎన్నికల్లో ఆయనకు ఉపాధ్యక్ష పదవి దక్కింది. నిర్మల్ జిల్లా లోకేశ్వరం ఎంపీడీవోగా పనిచేస్తున్న గంగాధర్ ఇప్పటికే నిర్మల్ జిల్లా సంఘ అధ్యక్షులుగా కూడా విధులు నిర్వహిస్తున్నారు. కాగా, నిర్మల్ జిల్లాకు చెందిన లక్ష్మణ్ చందా ఎంపీడీవో మోహన్ కార్యనిర్వహక కార్యదర్శిగా ఎన్నిక కాగా, క్రాంతి రాజ్ రాష్ట్ర కార్యవర్గ సభ్యులుగా ఎన్నికయ్యారు. గంగాధర్‌తో పాటు రాష్ట్ర కార్యవర్గంలో ఎన్నిక అయిన వారిని జిల్లా ఎంపీడీవోలతో పాటు పంచాయతీరాజ్ ఉద్యోగులు, అధికారులు అభినందించారు.