ఆ ప్రాజెక్టుకు వరద కొనసాగుతూనే ఉంది

దిశ, మహబూబ్‎నగర్: జూరాల ప్రాజెక్టు‌కు స్థిరంగా వరద నీరు వచ్చి చేరుతుంది. ఎగువ ప్రాంతంలో కురిసిన వర్షాల కారణంగా జూరాలకు వరద నీరు వచ్చి చేరుతుంది. దీంతో ఇప్పటికే నారాయణ పూర్ నుండి 2 గేట్లు ఎత్తి నీటిని కిందకు వదిలిన నేపథ్యంలో మంగళవారం నాటికి ఈ నీరు కూడా వచ్చి డ్యాంకు చేరుతుందని అధికారులు అంచనా వేస్తున్నారు. ప్రస్తుతం జూరాలకు ఇన్ ఫ్లో 5,959 క్యూసెక్కులు ఉండగా ఔట్ ఫ్లో:1,711 క్యూసెక్కులుగా ఉంది. జూరాల పూర్తి స్థాయి నీట్టి సామర్థ్యం 9.657 టీఎంసీలు కాగా ప్రస్తుత 8.377 టీఎంసీల నీటి నిల్వ ఉంది. 318.516 మీ పూర్తి స్థాయి మట్టంకు ప్రస్తుతం 317.880 మీటర్ల నీటి మట్టం ఉన్నట్లు అధికారులు వెల్లడించారు.