శివుని ముందు నందీశ్వరుడు ఎందుకుంటాడో తెలుసా.. పురాణాలు ఏం చెబుతున్నాయి

దిశ, ఫీచర్స్ : శివుని ఆలయంలో నంది ముఖం శివలింగం వైపు ఉండటం, ప్రజలు నందిని భక్తితో పూజించడం మనం తరచుగా చూస్తూనే ఉంటాం. భక్తులు తమ కోరికలను నంది చెవిలో గుసగుసలాడూ చెబుతారు. దీంతో నంది భక్తుల కోరికలు తీర్చమని శివుడిని కోరతాడు. ఇదంతా బాగానే ఉన్నప్పటికీ అసలు శివాలయంలో శివుని ముందు నందిశ్వరుడు ఎందుకు వెలిశాడు. దానికి సంబంధించిన పూర్తివివరాలను ఇప్పుడు మనం తెలుసుకుందాం..

పౌరాణిక కథ

పురాణాల ప్రకారం శివుడు శిలాద్ మహర్షి తపస్సుకు సంతోషించి అతనికి రత్న అనే కొడుకును ప్రసాదించాడు. ఆయన నంది అని పిలువబడే శిలాద్ ఋషి కుమారుడు. అతను గొప్ప శివ భక్తుడు. ప్రమదగణాలలో ఉత్తముడు, మహాదేవుని వాహనం అయ్యాడు. నంది భక్తికి సంతోషించిన శివుడు ప్రతి శివాలయంలో నంది విగ్రహం ఉండేలా వరం ఇచ్చాడు. అందుకే నందిని చూడకుండా, పూజించకుండా శివుని ఆరాధన అసంపూర్ణం అవుతుందని పండితులు చెబుతున్నారు. నందికి శివుడు వరం అందగానే వెంటనే శివుని ముందు కూర్చున్నాడని నమ్ముతారు. అప్పటి నుంచి ప్రతి శివాలయం ముందు నంది విగ్రహం దర్శనమిస్తుంది.

శివాలయం ముందు నంది ఉండటం వల్ల ప్రతివ్యక్తి పవిత్రంగా మారగలడు. దీనినే సాధారణ భాషలో మనస్సు స్వచ్ఛత అంటారు. దీని కారణంగా శరీరం కూడా ఆరోగ్యంగా ఉంటుంది. శరీరం ఆరోగ్యంగా ఉన్నప్పుడే, మనస్సు కూడా ప్రశాంతంగా, స్థిరంగా, సంకల్పంతో ఉంటుంది. ఆ విధంగా సమతుల్యమైన శరీరం ఒకరిని లక్ష్యంలో విజయానికి చేరువ చేస్తుంది. ఈ విధంగా గుడికి వెళ్లినప్పుడల్లా శివునితో నందిని పూజించాలని చెబుతారు.