ఉరివేసుకుని ఇంటర్ విద్యార్థి ఆత్మహత్య..

దిశ, మేడ్చల్ టౌన్ : ఓ బాలుడు ఇంట్లో ఉరివేసుకొని ఆత్మహత్య చేసుకున్న సంఘటన మేడ్చల్ పోలీస్ స్టేషన్ పరిధిలో చోటుచేసుకుంది. మేడ్చల్ పోలీసులు తెలిపిన వివరాల ప్రకారం మేడ్చల్ మున్సిపల్ పరిధిలోని కేఎల్ఆర్ వెంచర్ లో నివాసం ఉండే కోట్ల అవినాష్ (16) కొంపల్లి లోని అంటోనీస్ జూనియర్ కళాశాలలో ఇంటర్ మొదటి సంవత్సరం హాస్టల్లో ఉండి చదువుతున్నాడు. దీపావళి పండుగ సందర్భంగా అవినాష్ హాస్టల్ నుండి తన తల్లిదండ్రుల దగ్గర వచ్చాడు. శనివారం అర్ధరాత్రి తన ఇంట్లో ఫ్యానుకు ఉరివేసుకొని ఆత్మహత్య చేసుకున్నాడు. ఆత్మహత్య చేసుకోవడానికి గల కారణాలు తెలియరాలేదు. తండ్రి సూర్యనారాయణ ఇచ్చిన ఫిర్యాదు మేరకు మేడ్చల్ పోలీసులు కేసు నమోదు చేసి దర్యాప్తు చేపట్టారు.