Hit-3 నుంచి 'ప్రేమ వెల్లువ' ఫుల్ లిరికల్ సాంగ్ రిలీజ్.. పోస్ట్ వైరల్
దిశ, వెబ్‌డెస్క్: నేచురల్ స్టార్ నాని (Nani), శైలేష్ కొలను కాంబోలో తెరకెక్కుతున్న తాజా సినిమా ‘హిట్-3’ (Hit-3). ఇది బ్లాక్ బస్టర్ మూవీ ‘హిట్’ (Hit)కు సీక్వెల్‌(Sequel)గా వస్తున్నమూవీ. దీంతో ఈ సినిమాపై నాని ఫ్యాన్స్‌తో పాటు ప్రేక్షకుల్లో భారీ అంచనాలు ఉన్నాయి. ఇందులో నాని అర్జున్ సర్కార్ అనే పవర్ ఫుల్ పోలీసు అధికారి పాత్రలో కనిపించనున్నారు. నాని సొంత బ్యానర్ వాల్ పోస్టర్ సినిమాతో కలిసి యూనిమస్ ప్రొడక్షన్స్‌పై ప్రశాంతి తిపిర్నేని నిర్మిస్తున్నారు.
ఇక ఈ చిత్రంలో యంగ్ బ్యూటీ శ్రీనిధి శెట్టి (Srinidhi Shetty) హీరోయిన్‌గా నటిస్తుండగా.. మిక్కీ జె. మేయర్ సంగీతం అందిస్తున్నాడు. అయితే భారీ అంచనాల మధ్య ఈ చిత్రం సమ్మర్ స్పెషల్(Summer Special)గా మే 1న విడుదల కానుంది. దీంతో ప్రమోషన్స్‌లో జోరు పెంచిన చిత్ర బృందం ‘హిట్-3’ నుంచి వరుస అప్‌డేట్స్ ఇస్తున్నారు. ఇందులో భాగంగా తాజాగా.. హిట్-3 నుంచి ఫస్ట్ సింగిల్ ‘ప్రేమ వెల్లువ’ ఫుల్ లిరికల్ సాంగ్ రిలీజ్ అయినట్లు నాని తన సోషల్ మీడియా వేదికగా వెల్లడించారు. ప్రస్తుతం ఈ సాంగ్ నెట్టింట మంచి రెస్పాన్స్ తెచ్చుకుంటుంది. కాగా ఈ సాంగ్‌ను స్టార్ సింగర్ సిద్ శ్రీరామ్ ఆలపించారు.
Read More..
