‘మజాకా’ నుంచి మాస్ సాంగ్ వచ్చేస్తుందోచ్.. రిలీజ్ డేట్ అనౌన్స్ చేస్తూ హైప్ పెంచేస్తున్న మూవీటీమ్(ట్వీట్)

దిశ, సినిమా: యంగ్ హీరో సందీప్ కిషన్(Sundeep Kishan), యంగ్ బ్యూటీ రీతూ వర్మ(Ritu Varma) జంటగా నటిస్తున్న లేటెస్ట్ మూవీ ‘మజాకా’(Mazaka). స్టార్ డైరెక్టర్ త్రినాథరావు నక్కిన(Trinatharao Nakkina) దర్శకత్వం వహిస్తున్న ఈ సినిమాలో సీనియర్ యాక్టర్ రావు రమేష్(Rao Ramesh), అన్షు(Anshu) కీ రోల్ ప్లే చేస్తున్నారు. అయితే ఈ మాస్ ఎంటర్‌టైనర్ చిత్రాన్ని ఎ కె ఎంటర్‌టైన్‌మెంట్స్, హాస్య మూవీస్, జీ స్టూడియోస్ బ్యానర్స్ పై రాజేష్ దండ(Rajesh Danda), ఉమేష్ కె ఆర్ బన్సాల్ నిర్మిస్తున్నారు.

అయితే మజాకా నుంచి ఇప్పటికే విడుదలైన ప్రతి అప్డేట్ ఆకట్టుకుని సోషల్ మీడియాలో మంచి రెస్పాన్స్ తెచ్చుకున్నాయి. కాగా ఈ సినిమా శివరాత్రి సందర్భంగా ఫిబ్రవరి 26న ప్రపంచ వ్యాప్తంగా గ్రాండ్ రిలీజ్‌కు సిద్ధం అయింది. అయితే విడుదల తేదీ దగ్గర పడటంతో ప్రస్తుతం మూవీ టీమ్ ప్రమోషన్ల జోరుతో పాటు వరుస అప్డేట్స్ ఇస్తున్నారు.

ఈ క్రమంలో తాజాగా ఈ సినిమా నుంచి మాస్ పార్టీ సాంగ్ పగిలి(Pagili song) రానున్నట్లు మూవీ టీమ్ ప్రకటించింది. ఈ మేరకు ఎక్స్(X) వేదికగా ఓ స్పెషల్ పోస్టర్ రిలీజ్ చేస్తూ.. ‘మాస్ వైబ్ లోడింగ్.. అల్టిమేట్ మాస్ పార్టీ ‘పగిలి’ కోసం అందరూ రెడీగా ఉండండి. ఈ ఫుల్ సాంగ్ ఫిబ్రవరి 18న రిలీజ్ కానుంది’ అని వెల్లడించింది. ప్రస్తుతం ఈ ట్వీట్‌తో పాటు పోస్టర్‌ కూడా సోషల్ మీడియాలో మంచి రెస్పాన్స్ తెచ్చుకుంటుంది.