SBI: నిరుద్యోగులకు భారీ గుడ్‌ న్యూస్.. ఎస్‌బీఐలో కొలువుల జాతర
దిశ, వెబ్‌డెస్క్: నిరుద్యోగులకు ప్రభుత్వ రంగ బ్యాంక్ ‘స్టేట్ బ్యాంక్ ఆఫ్ ఇండియా’ నిరుద్యోగులకు శుభవార్త చెప్పింది. ఈ మేరకు సంస్థలో 12 వేల ఉద్యోగ నియామకాలు చేపట్టబోతున్నట్లు వెల్లడించింది. ఐటీ, ఇతరత్ర డిపార్ట్‌మెంట్లలో నియమకాలకు నోటిఫికేషన్ వేయబోతున్నట్లు ఎస్‌బీఐ చైర్మన్ దినేష్ ఖరా తెలిపారు. ఈ సందర్భంగా ఆయన మాట్లాడుతూ.. అభ్యర్థులను ఎంపిక చేసి కామన్ స్టాఫ్, అసోసియేట్ స్టాఫ్‌గా దాదాపు 85 శాతం మంది ఇంజనీర్లు ఉండే వ్యవస్థను తయారు చేయబోతున్నామని తెలిపారు. అందరికీ బ్యాంకింగ్‌ను అర్థం చేసుకోవడానికి ట్రైనింగ్ ఇస్తామని తెలిపారు. మార్చి 2024తో ముగిసిన ఆర్థిక సంవత్సరంలో, బ్యాంక్ మొత్తం ఉద్యోగుల సంఖ్య 2,35,858 నుంచి 2,32,296కి పడిపోయిందని అన్నారు. టెక్నికల్ స్కిల్స్ కోసం కొత్త ఉద్యోగులను కూడా బ్యాంకు ప్రత్యేకంగా తీసుకోవాలని నిర్ణయించినట్లుగా ఆయన వెల్లడించారు.
