Car Discounts: కారు కొనాలంటే ఇప్పుడు కొనండి..ఈ రెండు కార్లపై భారీ డిస్కౌంట్..ఏప్రిల్ 1 నుంచి ధరలు బాదుడే బాదుడు
దిశ, వెబ్ డెస్క్: Car Discounts: కొత్త కారు కొనాలని ప్లాన్ చేస్తున్నారా. అయితే వెంటనే కొనండి. ఎందుకంటే ఏప్రిల్ 1 నుంచి ధరలు భారీగా పెరుగుతున్నాయి. ప్రముఖ కంపెనీలు అన్నీ ధరలు పెంచుతున్నట్లు ప్రకటించాయి. అయితే మార్చి నెల ముగిసేందుకు ఇంకో వారం రోజులు ఉంది కాబట్టి ఈ సమయంలో మీరు కారు కొనుగోలు చేసినట్లుయితే కొంత మేర డబ్బు ఆదా చేసినట్లు అవుతుంది. ఇన్‌పుట్ ఖర్చు పెరుగుదల కారణంగా, కార్ల కంపెనీలు ధరలను పెంచవలసి వస్తుందని కంపెనీలు ఇప్పటికే తెలిపాయి. అయితే కొన్ని కంపెనీలు ఈ నెలలో వాహనాలపై డిస్కౌంట్లు కూడా ఇస్తున్నాయి. కార్ డీలర్ల వద్ద ఇంకా చాలా పాత స్టాక్ మిగిలి ఉంది. దానిని క్లియర్ చేయడానికి, డిస్కౌంట్లు, ఆఫర్లు ప్రకటిస్తున్నాయి. ఈ నెలలో మారుతి సుజుకి, హ్యుందాయ్ కార్లను కొనుగోలు చేయడం ద్వారా మీరు చాలా డబ్బు ఆదా చేసుకోవచ్చు.
మారుతి సుజుకి కార్లపై డిస్కౌంట్:
మారుతి సుజుకి తన ప్రీమియం హ్యాచ్‌బ్యాక్ కారు బాలెనోపై రూ.67100 వరకు డిస్కౌంట్ అందిస్తోంది. దీనితో పాటు, బాలెనో రీగల్ ఎడిషన్ పై రూ.42,760 వరకు విలువైన యాక్సెసరీస్ ప్యాకేజీని అందిస్తున్నారు. ఇది కాకుండా, ఆల్టో K10 కారుపై రూ.83,100 వరకు తగ్గింపు ఇస్తున్నారు. ఈ నెలలో మీరు స్విఫ్ట్ కారు కొనడానికి వెళితే, మీకు రూ.58100 వరకు తగ్గింపు లభిస్తుంది. అయితే వాగన్-ఆర్ కొనుగోలు చేయడం ద్వారా మీరు రూ. 73,100 వరకు ఆదా చేసుకోవచ్చు. డిస్కౌంట్ ప్రయోజనాన్ని మార్చి 31 వరకు మాత్రమే పొందవచ్చు. వచ్చే నెల నుండి మారుతి కార్ల ధరలు 4శాతం వరకు పెరుగుతాయి.
హ్యుందాయ్ కార్లపై బంపర్ ఆఫర్లు:
మార్చి నెలలో, హ్యుందాయ్ తన కార్లపై చాలా మంచి డిస్కౌంట్లను అందిస్తోంది. ఈ నెలలో మీరు హ్యుందాయ్ ఐ20 పై రూ.50,000 వరకు ఆదా చేసుకోవచ్చు. దీనితో పాటు, హ్యుందాయ్ తన కాంపాక్ట్ SUV వెన్యూపై రూ.55,000 వరకు తగ్గింపును కూడా ఇస్తోంది. ఆ కంపెనీ తన చిన్న కాంపాక్ట్ SUV ఎక్స్‌టర్‌పై రూ.35,000 తగ్గింపును అందిస్తోంది. ఇది కాకుండా, గ్రాండ్ 10 నియోలపై రూ. 53,000 ఆదా చేసుకోవచ్చు. ఈ డిస్కౌంట్ మార్చి 31 అర్ధరాత్రి 12 గంటల వరకు మాత్రమే పొందవచ్చు. డిస్కౌంట్ ఇవ్వడం వెనుక ఉన్న కారణం పాత స్టాక్‌ను క్లియర్ చేయడమే. మీరు కొత్త కారు కొనాలని ఆలోచిస్తుంటే ఆలస్యం చేయకండి. ధర పెరిగే ముందు మీ ఇంటి వద్దకు కొత్త కారును తీసుకురండి.
