ఆటో బోల్తా.. 18 మంది కూలీలకు గాయాలు

దిశ, వెబ్‌డెస్క్: రాజన్న సిరిసిల్ల జిల్లాలో రోడ్డు ప్రమాదం జరిగింది. బుధవారం ఎల్లారెడ్డిపేట మండలం వెంకటాపూర్ దగ్గర కూలీలతో వెళ్తున్న ఆటో అదుపు తప్పి బోల్తా పడింది. ఈ ప్రమాదంలో 18 మంది కూలీలకు గాయాలు అయ్యాయి. క్షతగాత్రులను స్థానిక ఆస్పత్రికి తరలించారు. కూలీలంతా సిరిసిల్లలోని సుభాష్ నగర్ చెందినవారిగా గుర్తించారు. వీరంతా దుమాల గ్రామంలో పత్తి తీయడానికి వెళ్తుండగా ఈ ప్రమాదం చోటు చేసుకుంది. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.