దారి ఇలా..మరి ప్రయాణం ఎలా?

దిశ,కుక్కునూరు:గత కొద్ది రోజులుగా కురిసిన వర్షాలకు మాధవరం పంచాయతీ కౌండిన్య ముక్తి గ్రామానికి వెళ్లే రహదారి పూర్తిగా దెబ్బతింది. దీంతో ప్రజలు, గ్రామస్తులు నిత్యావసరాల పనుల నిమిత్తం బయటకు రావాలంటే అడుగు తీసి అడుగు ముందుకు వేసే పరిస్థితి లేదు. ఏ రకంగా అంటే కనీసం ద్విచక్ర వాహనంతో అయినా బయటకు రావాలంటే ఎక్కడ జారీ పడతామోననే భయం ఉంది. ఈ దారి గురించి పట్టించుకునే నాథుడే లేడు. చినుకు పడితే చిత్తడిగా తయారవుతుంది. అధికారులు ఉన్నారో లేదో తెలియదు. రాజకీయ పార్టీల నాయకులకు మాత్రం ఎన్నికల సమయంలో ఓట్ల కోసం గుర్తుకు వస్తామంటూ గ్రామస్తులు ఆవేదన వ్యక్తం చేస్తున్నారు.