రేపు వనపర్తి జిల్లా పర్యటనకు వైఎస్ షర్మిల

దిశ, తెలంగాణ బ్యూరో : పార్టీ ప్రకటన అనంతరం వైఎస్ షర్మిల రాష్ట్రవ్యాప్తంగా అన్ని జిల్లాల్లో పర్యటించేందుకు సిద్ధమయ్యారు. నిరుద్యోగుల సమస్యలపై ఆమె ఫుల్ ఫోకస్ పెట్టనున్నారు. ప్రతి మంగళవారం నిరుద్యోగులకు భరోసా కల్పించేందుకు షర్మిల ఉద్యోగ దీక్ష చేపడుతారని పార్టీ అధికార ప్రతినిధులు ప్రకటించారు.

ఈ నేపథ్యంలో వనపర్తి జిల్లా తాడిపత్రి గ్రామంలో షర్మిల పర్యటించనున్నారు. నోటిఫికేషన్లు వేయడం లేదని నిరాశతో బలవన్మరణానికి పాల్పడిన తాడిపత్రికి చెందిన కొండాల్ కుటుంబ సభ్యులను షర్మిల పరామర్శించనున్నారు. ఉదయం 8 గంటల నుంచి సాయంత్రం ఆరు గంటల వరకు బాధిత కుటుంబీకుల సమక్షంలో ఆమె నిరాహారదీక్ష చేపట్టనున్నారు.