ఫ్రిజ్ కంప్రెషర్ పేలి యువకుడి మృతి

దిశ, మహబూబ్‎నగర్: ఫ్రిజ్ కంప్రెషర్ పేలి ఓ యువకుడు మృతిచెందిన సంఘటన నారాయణపేట జిల్లా మక్తల్‌లో చోటుచేసుకుంది. పట్టణంలోని పాతబజార్‎లో భరత్ అనే యువకుడు ఐస్ క్రీం పార్లర్, కూల్ డ్రీంక్స్ షాపు నిర్వహిస్తున్నాడు. ఇటీవల సెకండ్ హ్యాండ్‌లో ఫ్రిజ్‌ను కొనుగోలు చేశాడు. లాక్‌డౌన్ కారణంగా ఇన్ని రోజులు ఫ్రి‌జ్‌ను ఆన్ చేయలేదు. ఫ్రిజ్ రిపేర్ చేయాల్సి ఉందని రెండు రోజుల క్రితం మెకానిక్ చెప్పి వెళ్లాడు. శనివారం భరత్ షాపునకు వెళ్లి కంప్రేషర్‌ను పరిశీలిస్తుండగా గ్యాస్ లీక్ కావడంతో పేలుడు సంభవించింది. తీవ్రంగా గాయపడిన భరత్ అక్కడికక్కడే మృతి చెందాడు. పోలీసులు కేసు నమోదు చేసుకొని దర్యాప్తు చేస్తున్నారు.