చైనాలో ఘోర ప్రమాదం.. రెస్టారెంట్‌లో భారీ పేలుడు

బీజింగ్: చైనాలో ఘోర ప్రమాదం జరిగింది. ఓ రెస్టారెంట్‌లో గ్యాస్ లీకై భారీ పేలుడు సంభవించింది. ఈ ఘటనలో 31 మంది ప్రాణాలు కోల్పోయారు. వివరాల్లోకెళ్తే, ఇంచువాన్ సిటీలోని నిర్వహణలో బార్బిక్యూ రెస్టారెంట్‌లో బుధవారం రాత్రి ప్రమాదవశాత్తు లిక్విఫైడ్ పెట్రోలియం గ్యాస్ లీకైంది. ఇది భారీ పేలుడుకు దారితీసింది.

ఈ ప్రమాదంలో కస్టమర్లు, సిబ్బంది కలిపి 31 మంది మృతిచెందగా, మరో ఏడుగురు తీవ్రంగా గాయాలపాలైనట్టు చైనా ప్రభుత్వ మీడియా గురువారం వెల్లడించింది. ప్రమాద సమాచారం అందుకున్న వెంటనే డజనుకు పైగా అగ్నిమాపక యంత్రాలు ఘటనాస్థలానికి చేరుకుని మంటలను అదుపులోకి తెచ్చినట్టు తెలిపింది.