ప్రపంచంలోనే అత్యంత వృద్ధ శునకం మృతి.. ఈ ఏడాది ఫిబ్రవరిలో గిన్నీస్ రికార్డు

దిశ, వెబ్‌డెస్క్: ప్రపంచంలోనే అత్యంత వృద్ధ శునకంగా గిన్నీస్ రికార్డుకెక్కిన బోబీ కన్నుమూసింది. పోర్చుగల్‌లో నివాసం ఉంటున్న ఇంట్లోనే మృతి చెందింది. 31 సంవత్సరాల 165 రోజుల వయస్సుల్లో చనిపోయింది. ఈ ఏడాది ఫిబ్రవరిలో ప్రపంచంలోనే అత్యంత వయస్సు గల శునకంగా బోబీ గిన్నీస్ బుక్‌లో చోటు సంపాదించుకుంది. ఈ శునకం రఫీరో డో అలెంటెజో బ్రీడ్‌కు చెందినది కాగా.. చనిపోయేవరకు ఒకే ఇంట్లో నివసించింది.

గతంలో ఆస్ట్రేలియాకు చెందిన బ్లాయ్ అనే శునకం 29 సంవత్సరాల 5 నెలల పాటు జీవించింది.ఇప్పుడు బోబీ అంతేకంటే ఎక్కువకాలం జీవించింది. బోబీ 11 మే 1992న జన్మించింది.