మేము గెలిస్తే సీఏఏ రద్దు చేస్తాం..

దిశ, వెబ్ డెస్క్ : అసెంబ్లీ ఎన్నికల దగ్గరపడుతున్న కొద్దీ ఎన్నికల ప్రచారం జోరందుకుంది. నేతలు ఒకరిపై ఒకరు మాటల యుద్దానికి పోటీ పడుతున్నారు. అసోం అసెంబ్లీ ఎన్నికల నేపథ్యంలో కాంగ్రెస్ నేత గౌరవ్​ గొగొయ్ మాట్లాడుతూ.. కీలక వ్యాఖ్యలు చేశారు. తాము అధికారంలోకి వస్తే పౌరసత్వ సవరణ చట్టాన్ని(సీఏఏ) రద్దు చేస్తామని అన్నారు. అసోంలో కాంగ్రెస్ పార్టీ అధికారంలోకి వస్తే ఈ చట్టాన్ని అమలు కానీయబోమని చెప్పారు. పౌరసత్వ చట్టాన్ని.. అధికార బీజేపీ ఒక రాజకీయా అస్త్రంగా వాడుకుంటోందని ఆయన​ఆరోపించారు. సమాజాన్ని విభజించడానికే దీన్ని ఉపయోగిస్తోందని అన్నారు. సీఏఏను వ్యతిరేకిస్తూ రాష్ట్ర ప్రభుత్వం తరఫున సుప్రీం కోర్టులో వాదనలు కూడా వినిపిస్తామని తెలిపారు. అసెంబ్లీ ఎన్నికల్లో గెలిచేందుకు గతంలో ఎన్నడూ లేని విధంగా కాంగ్రెస్​నాయకులంతా కలిసికట్టుగా ప్రచారం చేస్తున్నామని గొగొయ్ తెలిపారు.