యాంటీ రోమియోలు అక్కర్లేదు.. మా రోమియోలు మాకిష్టం

కోల్‌కతా: ఉత్తరప్రదేశ్ సీఎం యోగి ఆదిత్యానాథ్‌పై తృణమూల్ కాంగ్రెస్ ఎంపీ మహువా మోయిత్రా విమర్శలు కురిపించారు. బెంగాలీల మనసు ప్రేమతో నిండి ఉంటాయని, వారికి యాంటీ రోమియోలు అక్కర్లేదని ట్వీట్ చేశారు. బెంగాల్‌లో బీజేపీ అధికారంలోకి వస్తే యాంటీ రోమియోలను స్క్వాడ్‌లను ఏర్పాటు చేస్తామని యోగి ఓ ర్యాలీలో అన్నారు. ఈ కామెంట్లపై టీఎంసీ ఫైర్ బ్రాండ్ మహువా మోయిత్రా స్పందించారు. ‘బెంగాలీలు మీలాంటి వారుకారు. మా మనసులు ప్రేమతో నిండి ఉంటాయి. మేం మా సంగీతాన్ని ఇష్టపడతాం. మా కవిత్వం, మా వంటకాలను.. ఔను మేం మా రోమియోలనూ ఇష్టపడతాం’ అని ట్వీట్ చేశారు.