చేయకూడని పని చేసి చిక్కుల్లో పడిన బీజేపీ ఎమ్మెల్యే మేనల్లుడు.. వీడియో వైరల్

దిశ, వెబ్‌డెస్క్ : చేయకూడని పని చేసి బీజేపీ ఎమ్మెల్యే మేనల్లుడు చిక్కుల్లోపడ్డారు. చివరకు ఆ ఎమ్మెల్యే సైతం నెటిజన్లతో మాటలు పడుతున్నారు. ఇంతకీ ఏం జరిగింది అనుకుంటున్నారా?. మధ్యప్రదేశ్‌లోని జతారా నియోజకవర్గం ఎమ్మెల్యే హరిశంకర్ ఖతిక్.. మేనల్లుడు అతుల్ ఖతిక్ ఓ ఫంక్షన్‌లో తుపాకితో కాల్పులు జరిపాడు. అంతటితో ఆగకుండా ఓ మైనర్ బాలుడి చేతికి తుపాకీ ఇచ్చి కాల్పులు జరిపించాడు. ఈ వీడియో కాస్తా సోషల్ మీడియాలో వైరల్‌గా మారింది. దీంతో పోలీసు ఉన్నతాధికారులు ఈ కాల్పుల ఘటనను సీరియస్‌‌గా తీసుకున్నారు. నెటిజన్లు సైతం ఖతిక్‌ వ్యవహారంపై ఆగ్రహం వ్యక్తం చేస్తున్నారు.