జర్నలిస్ట్ దారుణహత్య

దిశ, ములుగు :
ములుగు జిల్లా గోవిందరావు పేట మండలం పస్రాలో దారుణం చోటుచేసుకుంది. అప్పుగా తీసుకున్న డబ్బులు తిరిగి ఇవ్వమన్నందుకు.. ఓ జర్నలిస్ట్, అతడి స్నేహితుడిని బేకరి యజమానులు కత్తులతో దాడి చేశారు. ఈ ఘటనలో వరంగల్ ప్రెస్ క్లబ్ ట్రెజరర్ సునీల్ రెడ్డి అక్కడికక్కడే మృతిచెందారు. మరొకరికి తీవ్రగాయాలు కావడంతో ఆస్పత్రికి తరలించినట్లు సమాచారం. కాగా, పస్రాలోని బెంగుళూరు బేకరీ యజమాని దయ అతని సోదరుడు కలిసి బేకరీ పెట్టేందుకు కృష్ణా రెడ్డి అనే వ్యక్తి దగ్గర ఎనిమిది లక్షల అప్పు తీసుకున్నాడు. తిరిగి చెల్లించకపోవడంతో కృష్ణారెడ్డి మిత్రుడైన జర్నలిస్ట్ సునీల్ రెడ్డి అప్పు వసూలు కోసం పస్రా కి వెళ్లారు. ఈ సమయంలోనే వారిపై దయ, అతడి సోదరుడు దాడి చేశారు.

tag ; somebody attack with knife, two people died, warangal, mulugu, journalist