కరోనా నెగెటివ్.. మరో టీటీడీ అధికారి మృతి

దిశ, వెబ్‌డెస్క్ : ఏపీలో కరోనా కేసులు రోజురోజుకూ విజృంభిస్తున్నాయి. తిరుమల తిరుపతి దేవస్థానంలో ఇప్పటికే చాలామంది ఉద్యోగులు కరోనా బారిన పడగా, కొందరు చికిత్స పొందుతూ ప్రాణాలు కోల్పోయారు. తాజాగా టీటీడీలో అసిస్టెంట్ విజిలెన్స్-సెక్యూరిటీ అధికారిగా పనిచేస్తున్న వి.మహేశ్వరరావు కొద్దిరోజులుగా అనారోగ్యంతో బాధపడుతుండగా, చెన్నైలోని ఓ కార్పొరేట్ ఆస్పత్రిలో తుదిశ్వాస విడిచారు.

వివరాల్లోకివెళితే.. మహేశ్వరరావు జూలై 28న కరోనా లక్షణాలో చెన్నై ఆస్పత్రిలో చేరారు. చికిత్స అనంతరం రెండ్రోజల కిందట నిర్వహించిన వైద్య పరీక్షలో ఆయనకు కరోనా నెగెటివ్ అని నిర్దారణ అయ్యింది. త్వరలోనే ఆయన డిశ్చార్జి అయి విధుల్లో చేరతారని టీటీడీ వర్గాలు భావించాయి. కానీ, అంతలోనే వారి ఆశలు అడియాశలయ్యాయి. ఆరోగ్యం క్షీణించడంతో మహేశ్వరరావు మృతి చెందారు. ఆయన మృతిపై టీటీడీ ఈవో అనిల్ కుమార్ సింఘాల్, చీఫ్ విజిలెన్స్-సెక్యూరిటీ ఆఫీసర్ జెట్టి గోపీనాథ్ ఇతర అధికారులు సంతాపం ప్రకటించారు.