Viral Video: రీల్స్ పిచ్చిలో పడి ప్రాణాలతో చెలగాటం.. నెటిజన్ల ఆగ్రహం

దిశ, డైనమిక్ బ్యూరో: రీల్స్ పిచ్చిలో పడి తనతో పాటు మరో ముగ్గురి ప్రాణాలతో చెలగాటం ఆడుతున్న యువకుడి వీడియో సోషల్ మీడియాలో వైరల్ గా మారింది. దీనిపై నెటిజన్లు తీవ్ర ఆగ్రహం వ్యక్తం చేస్తున్నారు. నెట్టింట ఫేమస్ అవ్వడం కోసం కొందరు ఎంతటి సహాసానికైనా ఒడిగడుతున్నారు. రీల్స్ పిచ్చిలో తమనే కాదు తోటివారి ప్రాణాలు కూడా పణంగా పెడుతున్నారు. ఈ వీడియోలో ఓ వ్యక్తి ద్విచక్రవాహనంపై మరో ముగ్గురిని ఎక్కించుకొని ముందు చక్రం గాళ్లో లేపుతూ.. నడి రోడ్డుపై స్టంట్స్ చేస్తున్నాడు. ఇందులో బైక్ రైడర్ కాకుండా ఇద్దరు యువకులు ఓ యువతి కూడా ఉంది.

ఆ యువకులను వెనుక, యువతిని రైడర్ ముందు బాగంలో కూర్చోబెట్టుకొని బైక్ నడుపుతూ రీల్స్ లో నటిస్తున్నాడు. ప్రస్తుతం ఈ వీడియో నెట్టింట చక్కర్లు కొడుతుంది. ఈ వీడియో చూసిన నెటిజన్లు ఆ యువకుడిపై తీవ్ర స్థాయిలో మండిపడుతున్నారు. రీల్స్ కోసం వాళ్ల ప్రాణాలను ముప్పులో పెట్టడం ఏంటని ప్రశ్నిస్తున్నారు. నడి రోడ్డుపై రీల్స్ చేస్తూ ట్రాఫిక్ నిబందనలు పూర్తిగా ఉల్లంఘిస్తున్నారని, బైక్ పై ఉన్న వ్యక్తులను పోలీసులు కనిపెట్టి వారిపై చర్యలు తీసుకోవాలని కామెంట్లు పెడుతున్నారు.