వాటిని వృధా చేస్తున్నారు.. విమర్శలకు గురవుతున్న క్రికెట్ గాడ్

దిశ, వెబ్‌డెస్క్: సచిన్ ఈ పేరుకు పరిచయం అక్కర్లేదు. క్రికెట్ ప్రపంచంలో సచిన్ టెండూల్కర్‌కు ఉన్న ఫ్యాన్ బేస్ అంతా ఇంతా కాదు. అభిమానులు అతడిని క్రికెట్ గాడ్‌గా పేర్కొంటారు. అందుకు ఇతర ఆటగాళ్లు సైతం ఒప్పుకుంటారు. అయితే తాజాగా సచిన్ టెండుల్కర్‌పై నెటిజన్లు తీవ్ర విమర్శలు గుప్పిస్తున్నారు. తాజాగా టెండూల్కర్ షేర్ చేసుకున్న వీడియో కారణంగానే విమర్శలకు గురవుతున్నాడు. ఈ వీడియోలో బ్యాట్ గ్రిప్‌ను ఎలా క్లీన్ చేసుకోవాలని సచిల్ వివరించాడు. సబ్బు, నీళ్లతో బ్యాట్ గ్రిప్‌ను క్లీన్ చేసుకోవడాన్ని వివరిస్తూ సచిన్ సోషల్ మీడియా వేదికా వీడియో షేర్ చేశాడు.

దీనిని తన స్పెషల్ మెథడ్ అంటూ సచిన్ చెప్పుకొచ్చాడు. అంతేకాకుండా తనకు ఈ పద్దతిని ఎవరూ నేర్పించలేదని, తనంతటతానే నేర్చుకున్నానని సచిత్ తెలిపాడు. అయితే ఈ వీడియోలో సచిన్ వెనుక షింక్‌లో నీళ్లు వృధాగా పోతున్నాయి. దీనిని గుర్తించిన అభిమానులు సచిన్‌పై విమర్శల వర్షం కురిపించారు. నీళ్లను ఆదా చేయాలని చెప్పిన మాటలేమయ్యాయని అభిమానులు సచిన్‌ను అడిగారు.

ప్రస్తుతం సోషల్ మీడియాలో సచిన్ వీడియో వైరల్ అవుతోంది. నీళ్లను ఆదా చేయాలని, వృధా చేయొద్దని కేంద్ర, రాష్ట్ర ప్రభుత్వాలు మొత్తుకుంటున్నాయని, అదే విధంగా పలువురు ప్రముఖులు కూడా ఇందుకు వత్తాసు పలుకుతున్నారు.. కానీ మీ వీడియోలో నీళ్లను వృథా ఎలా చేస్తున్నారని నెటిజన్లు సచిన్‌ను ప్రశ్నిస్తున్నారు.