ఈ అమ్మాయి మొఖం చూసి కోతి కూడా భ‌య‌ప‌డింది! (వీడియో)

దిశ‌, వెబ్‌డెస్క్ః మీ ముఖం చూసి ఎవరైనా భయపడితే ఎలా అనిపిస్తుంది? అందులోనూ, ఒక జంతువు మ‌న‌ల్ని చూసి భయపడితే ఆ అనుభవం పది రెట్లు అధ్వాన్నంగా ఉండొచ్చు. అయితే, ఓ అమ్మాయి ముఖం కూడా ప‌ర‌ధ్యానంలో ఉన్న‌ కోతిని చాలా భయపెట్టింది. ఈ వీడియోని ఇన్‌స్టాగ్రామ్‌లో 'నోబ్యూనోఫేస్' అనే యూజర్ షేర్ చేయ‌గా, 'యానిమల్స్ ఆర్‌ క్లమ్సీ' అనే యూజర్ పేజీలోంచి ఇది వైర‌ల్ అయ్యింది. ఈ క్లిప్‌లో, ఒక అమ్మాయి జూను సందర్శిస్తూ ఉంటుంది. ఒక ఎన్‌క్లోజర్‌లోని కిటికీ ద‌గ్గ‌ర‌ కూర్చున్న కోతికి ఆమె హలో చెప్పడానికి ప్రయత్నిస్తోంది. ఈ అమ్మాయి కిటికీ అద్దాన్ని తట్టడం చేస్తుంది. కానీ ప‌ర‌ధ్యానంలో ఉన్న కోతి స్పందించదు. త‌ర్వాత‌ త‌ల తిప్పి చూసిన కోతికి దగ్గరగా, ఈ అమ్మాయి ముఖం క‌నిపిస్తుంది. అంతే, భ‌య‌ప‌డిన కోతి ఒక ఉదుటున ఎగిరి కింద ప‌డుతుంది. అమ్మాయి కూడా కంగారుప‌డి, వెంట‌నే బిగ్గ‌ర‌గా న‌వ్వుతుంది. ఇక నెటిజన్లు ఈ వీడియోకు నవ్వుతున్న ఎమోజీలతో కామెంట్లను నింపారు.