బిజీ రోడ్డుపై గేదెతో స్టంట్లు చేస్తోన్న యువకుడు.. రద్దీ ట్రాఫిక్‌లో చివరకు ఏమైందంటే?

దిశ, ఫీచర్స్: ఇటీవల కాలంలో యువత సోషల్ మీడియాలో ఫేమస్ అవ్వడం కోసం వింత వింత ప్రయోగాలు చేస్తూ ప్రాణాల మీదకు తెచ్చుకుంటున్నారు. రీసెంట్‌గా హై స్పీడ్‌తో ఓ యువకుడు, యువతి స్కూటీపై రొమాన్స్ చేస్తూ డ్రైవింగ్ చేశారు. రోడ్డుపై తోటి ప్రయాణికులను పట్టించుకోకుండా తెగ రెచ్చిపోయారు. తోటి ప్రయాణికులు డేంజరస్ డ్రైవింగ్‌తో రొమాన్స్‌లో మునిగితేలుతోన్న ఈ ప్రేమికుల నిర్వాకాన్ని వీడియో తీసి సోషల్ మీడియాలో వైరల్ చేయగా..

నెటిజన్లు దారుణంగా తిట్టిపోశారు. అంతేకాకుండా పలువురు బైక్ స్టంట్లు చేస్తూ ప్రాణాల మీదకు తెచ్చుకున్న ఘటనలను తరచూ నెట్టింట చూస్తూనే ఉంటాం. తాజాగా ఈ కోవకు చెందిన ఘటనే ప్రస్తుతం సోషల్ మీడియాలో వైరల్ అవుతోంది. ఓ యువకుడు ఏకంగా గేదే మీద కూర్చుని సవారీ చేస్తున్నారు. పైగా హెల్మెట్ కూడా ధరించారు. రద్దీగా ఉండే రోడ్డుపై ఈ స్టంట్లు చేస్తుండగా.. గేదె మీద నుంచి కింద పడబోయాడు. మళ్లీ వెంటనే అలర్ట్ అయి సర్దుకుని కూర్చుని గేదెను వేగంగా పరిగెత్తించాడు.

గేదె ఫాస్ట్ గా పరుగులు తీస్తున్న సమయంలో రహదారిపై వేరే వాహనాలు కూడా వెళ్తున్నాయి. bull rider 077 అనే ఇన్‌స్టాగ్రామ్ ఖాతా నుంచి షేర్ చేసి ఈ వీడియో ప్రస్తుతం సోషల్ మీడియాలో వైరల్ అవ్వగా.. ఆ యువకుడ్ని జనాలు తిట్టిపోస్తున్నారు. 5 నిమిషాల సంతోషం గురించి చూసుకుంటే ప్రాణాలకే ప్రమాదం.

దయచేసి ఇలాంటి వీడియోలకు లైక్స్ కొట్టి సపోర్ట్ చేయకండి. గేదె మీద యమరాజులా ఉన్నాడు.. ఇది జంతు హింస, ఈ యువకుడ్ని వెంటనే అరెస్టు చేయాలి. తోటి ప్రయాణికులకు ఏమైనా ప్రమాదం జరిగితే ఎలా? ఇది తీవ్ర నిర్లక్ష్యం. అంటూ కామెంట్లు పెడుతున్నారు. ప్రస్తుతం ఈ వీడియోకు మిలియన్ల కొద్ది వ్యూస్ వచ్చాయి. 4 లక్షలకు పైగా లైక్స్ రావడం విశేషం.