Viral Video: కూలీ నెం.1.. ఏం హెల్ప్ చేస్తున్నావ్ బాసూ..!
రైల్వే కూలీలు ఏం చేస్తారు? ప్రయాణికుల సామాన్లను రైల్లో ఎక్కించడం, దించడం చేస్తూ వాళ్లిచ్చే వందో, రెండొందలో తీసుకుంటుంటారు.
దిశ, వెబ్‌డెస్క్: రైల్వే కూలీలు ఏం చేస్తారు? ప్రయాణికుల సామాన్లను రైల్లో ఎక్కించడం, దించడం చేస్తూ వాళ్లిచ్చే వందో, రెండొందలో తీసుకుంటుంటారు. కానీ ఇప్పుడు మీరు చూస్తున్న కూలీ మాత్రం ఆ రైల్వే కూలీలందరి కంటే డిఫరెంట్‌గా ఆలోచించి.. సామాన్లనే కాదు ఏకంగా మానుషులను కూడా ఎత్తి ట్రైన్‌లోకి విసిరేస్తున్నాడు. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది. ఈ వీడియోలో సదరు రైల్వే కూలీ.. సామాన్ల బ్యాగులతో పాటు మనుషులను కూడా ఎత్తి ట్రైన్‌లో పడేస్తున్నాడు. ట్రైన్‌లో రద్దీ ఎక్కువగా ఉండడంతో ప్రయాణికులు లోపలికి ఎక్కడానికి అవస్థలు పడుతుండడంతో.. మన కూలీ సాబ్ వాళ్ల దగ్గరకెళ్లి.. వాళ్ల సామాన్లను, వాటితో పాటు ప్రయాణికులను అమాంతం ఎత్తి ట్రైన్ విండోలో నుంచి లోపలికి పంపించేశాడు. ఇక ఈ వీడియో చూసిన వాళ్లంతా ‘వారెవ్వా! నువ్వు నిజంగా కూలీ నెంబర్ వన్. ఏం హెల్ప్ చేస్తున్నావ్ బాసూ..!’ అంటూ కామెంట్లు పెడుతున్నారు.